- Тёрде – темир таякълы, къаяда – чыпчыкъ аякълы.
- Ашатыргъа иш – ашхы, ишлетирге аш – ашхы.
- Эркишиге тары кебек танг кёрюнюр.
- Эрине къаргъыш этген къатын, эрнин къабар.
- Джаралыны джастыгъында сау ёлюр.
- Экиндини кеч къылсанг, чабыб джетер ашхам.
- Адам къаллай бир ишленмесе, аллай бир кесин уллу кёреди.
- Кёб къычыргъандан – къоркъма, тынч олтургъандан – къоркъ.
- Татлы тилде – сёз ариу, чемер къолда – иш ариу.
- Сескекли кесин билдирир.
- Джеринден айырылгъан – джети джылар, джуртундан айырылгъан – ёлгюнчю джылар.
- Эртде тургъан бла эртде юйленнген сокъуранмаз.
- Биреу ашаб къутулур, биреу джалаб тутулур.
- Аз айтсам, кёб ангылагъыз.
- Джети тилни билген джети кишиди.
- Ариу сёз – къылычдан джити.
- Игилик игилик бла сингдирилиучю затды.
- Адамны аты башхача, акъылы да башхады.
- Алтыннга тот къонмаз.
- Зарда марда джокъ.
- Эки итни арасына сюек атма, эки адамны арасында сёз чыгъарма.
- Чомартны къолун джокълукъ байлар.
- Чомарт къолда мал къалмаз.
- Кийимни бир кюнню аясанг, минг кюннге джарар.
- Иги болса, тамадама – махтау, аман болса, меннге – айыб.
- Аурууну келиую тынч, кетиую – къыйын.
- Айран ичген – къутулду, джугъусун джалагъан – тутулду.
- Кёб джашагъан – кёб билир.
- Тилде сюек болмаса да, сюек сындырыр.
- Таукелге нюр джауар.
- Тас болгъан бычакъны сабы – алтын.
- Айранын берсенг, челегин да къызгъанма.
- Джогъун бар этген, барын бал этген.
- Айыбны суу бла джууалмазса.
- Элде адам къалмаса, ит тахтагъа минер.
- Атадан ёксюз – бир ёксюз, анадан ёксюз – эки ёксюз.
- Къарын къуру болса, джюрек уру болур.
- Сёз сёзню айтдырыр.
- Окъугъан озар, окъумагъан тозар.
- Ёнгкюч къууана барыр, джылай келир.
- Ашыкъгъанны этеги бутуна чырмалыр.
- Таукел адам тау тешер.
- Сакъ юйюне сау барыр.
- Къонагъы джокъну – шоху джокъ.
- Адамгъа аман кюн соруб келмейди.
- Окъугъанны бети джарыкъ.
- Тёгюлген тюгел джыйылмайды.
- Джарашыу сюйген – джалынчакъ.
- Байлыкъдан саулукъ ашхыды.
- Чабар ат – джетген къыз.
Профиль
|
|
|
|||