- Сыфатында болмагъаны, суратында болмаз.
- Гырджын – тепсини тамадасы.
- Таукелге нюр джауар.
- Кёлсюзден сёзсюз тууар.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Тели турса – той бузар.
- Тешигини къатында, чычхан да батыр болур.
- Тойгъан джерден туугъан джер игиди.
- Татлы сёз – балдан татлы.
- Сагъышы джокъ – джукъучу, акъылы джокъ – къаугъачы.
- Джаз бир кюнню джатсанг, къыш талай кюнню абынырса.
- Адамны джюреги нени кёрюрге сюйсе, кёзю да аны кёрюрге ёч болады.
- Ашхы атаны – джашы ашхы, ашхы ананы – къызы ашхы.
- Биреу ашаб къутулур, биреу джалаб тутулур.
- Иги сеники эсе да, сюйген кесимикин этеме.
- Ёнгкюч къууана барыр, джылай келир.
- Джылар джаш, атасыны сакъалы бла ойнар.
- Сагъыш – къартлыкъгъа сюйюмчю.
- Тойчу джашха къарама, къойчу джашха къара.
- Ана кёлю – балада, бала кёлю – талада.
- Билим – акъылны чырагъы.
- Юре билмеген ит, къонакъ келтирир.
- Аджал соруб келмез, келсе, къайтыб кетмез.
- Джигер – джаннга къыйынлыкъ.
- Мен да «сен», дейме, сен да «кесим», дейсе.
- Башы джабылгъан челекге, кир тюшмез.
- Ариу сёзде ауруу джокъ.
- Эрине къаргъыш этген къатын, эрнин къабар.
- Ойнаб айтсанг да, эслеб айт.
- Чомарт джарлы болмаз.
- Чомарт къонакъ юй иесин сыйлар.
- Иши джокъну, сыйы джокъ.
- Эл ауузу – элия.
- Биреуню къыйынлыгъы бла кесинге джол ишлеме.
- Керти сёзге тёре джокъ.
- Биреуню тёрюнден, кесинги эшик артынг игиди.
- Джарлы джети элни сёзюн этер.
- Къарны аманнга къазан такъдырма, къолу аманнга от джакъдырма.
- Айтхан – тынч, этген – къыйын.
- Кёрмегеннге кебек – танг, битмегеннге сакъал – танг.
- Ёгюзню мюйюзлери ауурлукъ этмейдиле.
- Аман адам этегингден тутса, кес да къач.
- Къайгъы тюбю – тенгиз.
- Бек анасы джыламаз.
- Къанны къан бла джуума, аманны аман бла къуума.
- Ишни аллы бла къууанма да, арты бла къууан.
- Биреуге кёлтюрген таягъынг, кесинги башынга урур.
- Уруну арты – къуру.
- Танг атмайма десе да, кюн къоярыкъ тюйюлдю.
- Чыбыкълыкъда бюгюлмеген, къазыкълыкъда бюгюлмей эди.
Профиль
|
|
|||