Эльбрусоид :: Форум :: Добрый Кот__07_

Уллу суу бла уллу ауруудан башынгы сакъла.
Эркиши – от, тиширыу – суу.
Махтаннган къыз, тойда джукълар.
Къарт болгъан джерде, берекет болур, сабий болгъан джерде, оюн болур.
Ачны эсинде – аш.
Суугъа – таянма, джаугъа – ийнанма.
Сагъыш – къартлыкъгъа сюйюмчю.
Чарсда алчыны эл кёреди.
Онгсузну – джакъла, тенгликни – сакъла.
Эшекге миннген – биринчи айыб, андан джыгъылгъан – экинчи айыб.
Къонакъ аман болса, къонакъбай джунчур
Тенги кёбню джау алмаз, акъылы кёбню дау алмаз.
Бир онгсуз адам адет чыгъарды, деб эштирик тюлсе.
Джашда акъыл джокъ, къартда къарыу джокъ.
Къралынгы – душмандан, башынгы от бла суудан сакъла.
Бет бетге къараса, бет да джерге къарар.
Аш кетер да бет къалыр.
Билгенни къолу къарны джандырыр.
Илму – джашауну джолу.
Къызгъанчдан ычхыныр, мухардан ычхынмаз.
Ашда – бёрю, ишде – ёлю.
Тил – миллетни джаны.
Ичимден чыкъды хата, къайры барайым сата?
Эрине къаргъыш этген къатын, эрнин къабар.
Ким бла джюрюсенг, аны кёзю бла кёрюнюрсе.
Тойгъан антын унутур.
Тюз сёз баргъан сууну тыяр.
Кийиминг бла танылма, адамлыкъ бла таныл.
Джюрек кёзден алгъа кёрюр.
Тойгъан джерден туугъан джер игиди.
Бозанг болмагъан джерге, къалагъынгы сукъма.
Ата Джуртча джер болмаз, туугъан элча эл болмаз.
Ашына кёре табагъы, балына кёре къалагъы.
Эм ашхы къайын ана мамукъ бла башынгы тешер.
Сабийликде юретмесенг, уллу болса – тюзелмез.
Борчунг бар эсе, хурджунунга ойлаб узал.
Булут кёкге джарашыу, уят бетге джарашыу.
Эркишини аманы тиширыуну джылатыр.
Таукелге нюр джауар.
Биреуню къыйынлыгъы бла кесинге джол ишлеме.
Минг тенг да азды, бир джау да кёбдю.
Зарда марда джокъ.
Джеринден айырылгъан – джети джылар, джуртундан айырылгъан – ёлгюнчю джылар.
Ойнай билмеген, оюн бузар.
Бал ашаргъа сюе эсенг, чибин ургъаннга тёз.
Тил бла келеди джыр да.
Бек ашыкъгъан меннге джетсин, дегенди аракъы.
Акъыллы башны – тили къысха.
Уллу сёлешме да, уллу къаб.
Къызбайны юйюне дери сюрсенг, батыр болур.

Логин:
Пароль:
	Запомнить меня на этом компьютере

Забыли свой пароль?
Регистрация