- Кёрмегеннге кебек – танг, битмегеннге сакъал – танг.
- Келинин тута билмеген, къул этер, къызын тута билмеген, тул этер.
- Ёзденликни джайгъан – джокълукъ.
- Тил – миллетни джаны.
- Бал ашаргъа сюе эсенг, чибин ургъаннга тёз.
- Тойгъа барсанг, тоюб бар, эски тонунгу къоюб бар.
- Тилсиз миллет джокъ болур.
- Аууз сакълагъан – джан сакълар.
- Келгинчи, къонакъ уялыр, келгенден сора, къонакъбай уялыр.
- Этим кетсе да, сюегим къалыр.
- Уллу суу бла уллу ауруудан башынгы сакъла.
- Бир онгсуз адам адет чыгъарды, деб эштирик тюлсе.
- Аш хазыр болса, иш харам болур.
- Ашыкъгъан cуу, тенгизге джетмез.
- Миллетни бойну – базыкъ, аны бла кюрешген – джазыкъ.
- Окъ къызбайны джокълайды.
- Кийиминг бла танылма, адамлыкъ бла таныл.
- Хар сёзню орну барды.
- Тойгъанлыкъ къойгъа джарашады.
- Тыш элде солтан болгъандан эсе, кесинги элде олтан болгъан игиди!
- Арпа, будай – ащды, алтын, кюмюш а – ташды.
- Акъдан къара болмаз.
- Аз сёлеш, кёб ишле.
- Оюмсуз атлагъан, аджалсыз ёлюр.
- Уллу сёлешме да, уллу къаб.
- Аманны эки битли тону болур, бирин сеннге кийдирир, бирин кеси киер.
- Рысхы джалгъанды: келген да этер, кетген да этер.
- Ишлегенден, къарагъан уста.
- Узун джолну барсанг, бюгюн келирсе, къысха джолну барсанг, тамбла келирсе.
- Ишни ахырын ойламай, аллын башлама.
- Тёрде – темир таякълы, къаяда – чыпчыкъ аякълы.
- Тин – байлыгъынг, терен саулугъунг.
- Аш кетер да бет къалыр.
- Къартны сыйын кёрмеген, къартлыгъында сыйлы болмаз.
- Суу кетер, таш къалыр.
- Айтылгъан буйрукъ, сёгюлмез
- Башланнган иш битер, къымылдагъан тиш тюшер.
- Къонагъынгы артмагъын алма да, алгъышын ал.
- Тойгъандан сора, ашны сёкме.
- Къазанда болса, чолпугъа чыгъар.
- Адамны аты башхача, акъылы да башхады.
- Ашхылыкъ джерде джатмайды, аманлыкъ суугъа батмайды.
- Чарсда алчыны эл кёреди.
- Орундукъ тюбюнде атылсам да, орта джиликме, де да айлан.
- Иши джокъну, сыйы джокъ.
- Адамны аманы адамны бети бла ойнар.
- Джаз бир кюнню джатсанг, къыш талай кюнню абынырса.
- Акъыл неден да кючлюдю.
- Сыфатында болмагъаны, суратында болмаз.
- Кёкдеги болмаса, джердегин кёрмейди.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72