- Джетген къыз джерли эшекни танымаз.
- Ётюрюкчюню шагъаты – къатында.
- Ашда – бёрю, ишде – ёлю.
- Ачыу алгъа келсе, акъыл артха къалады.
- Ишин билген, аны сыйын чыгъарады.
- Иги джашны ышаны – аз сёлешиб, кёб тынгылар.
- Джарлы джети элни сёзюн этер.
- Тюкюрюк баш джармаз, налат кёз чыгъармаз!
- Къызын тута билмеген, тул этер, джашын тута билмеген, къул этер.
- Кёб джашагъан – кёб билир.
- «Ма», - дегенни билмесенг, «бер», - дегенни билмезсе.
- Телини эшигин, махтау джабар.
- Джолда аягъынга сакъ бол, ушакъда тилинге сакъ бол.
- Джыйырма къойну юч джыйырма эбзе кюте эди.
- Ханнга да келеди хариблик.
- Чабакъ башындан чирийди.
- Эркишиге тары кебек танг кёрюнюр.
- Бети бедерден, намыс сакълама.
- Къатын къылыкъсыз, эр тынчлыкъсыз.
- Акъыллы – эл иеси, тели – эл баласы.
- Сибиртки да сыйлы болду, кюрек да кюнлю болду.
- Окъуу – билимни ачхычы, окъуу – дунияны бачхычы.
- Къралынгы – душмандан, башынгы от бла суудан сакъла.
- Шайтан алдады, тюзлюк къаргъады.
- Биреуню тёрюнден, кесинги эшик артынг игиди.
- Аурууну келиую тынч, кетиую – къыйын.
- Кирсизни – саны таза, халалны – къаны таза.
- Ашхы атаны – джашы ашхы, ашхы ананы – къызы ашхы.
- Алтыда кюлмеген, алтмышда кюлмез.
- «Ёгюз, джаргъа джууукъ барма, меннге джюк боллукъса», - дегенди эшек.
- Дженгил джетерикме деб, узун джолну къоюб, къысхасын барма.
- Тас болгъан бычакъны сабы – алтын.
- Элни кючю – эмеген.
- Сыфатында болмагъаны, суратында болмаз.
- Терек ауса, отунчу – кёб.
- Термилгенинги табмазса, кюлгенинге тюберсе.
- Билим къая тешер.
- Азыкъ аз болса, эртде орун сал.
- Суу да къайтады чыкъгъан джерине.
- Ишни ахырын ойламай, аллын башлама.
- Джырына кёре эжиую.
- Тик ёргени, тик энгишгеси да болады.
- Узун джолну барсанг, бюгюн келирсе, къысха джолну барсанг, тамбла келирсе.
- Джуртун къоругъан озар.
- Бети къызарыучу адамны, джюреги харам болмаз.
- Иги болса, тамадама – махтау, аман болса, меннге – айыб.
- Телиге от эт десенг, юйюнге от салыр.
- Адебсиз адам – джюгенсиз ат.
- Сакъ юйюне сау барыр.
- Айранын берсенг, челегин да къызгъанма.
Профиль
|
|
|||