- Aдам боллукъ, сыфатындан белгили.
- Кёб къычыргъандан – къоркъма, тынч олтургъандан – къоркъ.
- Айраннга суу къош, телиге джол бош.
- Сабий болмагъан джерде, мёлек болмаз.
- Адамны аты башхача, акъылы да башхады.
- Кёбню кёрген – кёб билир.
- Эр абынмай, эл танымаз.
- Ёлген эшек бёрюден къоркъмайды.
- Ишленмеклик адамлыкъды.
- Этек чакъмакълары баш джаргъан, сёлешген сёзлери таш джаргъан.
- Сакъ юйюне сау барыр.
- Уруну арты – къуру.
- Булут кёкге джарашыу, уят бетге джарашыу.
- Берекет берсин деген джерде, берекет болур.
- Мухарны эси – ашарыкъда.
- Хоншуну тауугъу къаз кёрюнюр, келини къыз кёрюнюр.
- Аз айтсам, кёб ангылагъыз.
- Джюрекден джюрекге джол барды.
- Ышармагъан – кюлмез, кюлмеген – къууанчны билмез.
- Келинин тута билмеген, къул этер, къызын тута билмеген, тул этер.
- Ач да бол, токъ да бол – намысынга бек бол.
- Къая джолда джортма, ачыкъ сёзден къоркъма.
- Ауурну тюбю бла, дженгилни башы бла джюрюген.
- Урунуу – насыбны анасы.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Чомарт къолда мал къалмаз.
- Ишлемеген – тишлемез.
- Джеринден айырылгъан – джети джылар, джуртундан айырылгъан – ёлгюнчю джылар.
- Ат да турмайды бир териде.
- Ач, тоймам, дейди, тойгъан, ач болмам, дейди.
- Сибиртки да сыйлы болду, кюрек да кюнлю болду.
- Кёпюр салгъан кеси ётер, уру къазгъан кеси кетер.
- Суугъа – таянма, джаугъа – ийнанма.
- Адамны бетине къарама, адетине къара.
- Халкъны юйю – туугъан джери.
- Къозулугъунда тоймагъан, къойлугъунда тоймаз.
- Киштикге къанат битсе, чыпчыкъ къалмаз эди.
- Ёксюзню къалачы уллу кёрюнюр.
- Сангырау къулакъ эл бузар.
- Оюмсуз атлагъан, аджалсыз ёлюр.
- Ётюрюкчюню шагъаты – къатында.
- Чарсда алчыны эл кёреди.
- Тенгни тенглиги джашай барсанг билинир.
- Аман хансны – урлугъу кёб.
- Харам къарнашдан, халал тенг ашхы.
- Кёз – сюйген джерде, къол – ауругъан джерде.
- Терек ауса, отунчу – кёб.
- Онгсузну – джакъла, тенгликни – сакъла.
- Юйюнг бла джау болгъандан эсе, элинг бла джау бол.
- Къазанда болса, чолпугъа чыгъар.
Профиль
|
|
|
|||