- Джашлыкъ этмеген, башлыкъ этмез.
- Ойнай билмеген, уруб къачар.
- От кюйдюрген, сау болса да, тот кюйдюрген, сау болмаз.
- Къралынгы – душмандан, башынгы от бла суудан сакъла.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Ким бла джюрюсенг, аны кёзю бла кёрюнюрсе.
- Халкъны джырын джырласанг, халкъ санга эжиу этер.
- Бир абыннган – минг сюрюнюр.
- Атынг аманнга чыкъгъандан эсе, джанынг тамагъынгдан чыкъсын.
- Чакъырылмай келген къонакъ сыйланмай кетер.
- Къаллай салам берсенг, аллай джууаб алырса.
- Айырылгъанланы айю ашар, бёлюннгенлени бёрю ашар.
- Эрине къаргъыш этген къатын, эрнин къабар.
- Эринчекге кюн узун.
- Чомартны къолу берекет.
- Эри аманны, къатыны – аман.
- Адеби болмагъан къыз – тузсуз хант.
- Къызгъанчдан ычхыныр, мухардан ычхынмаз.
- Джаным-тиним – окъуу, билим.
- Ишленмеклик адамлыкъды.
- Джети тилни билген джети кишиди.
- Баргъанынга кёре болур келгенинг.
- Къазанда болса, чолпугъа чыгъар.
- Эринчекни аурууу – кёб.
- Агъач – джерни чырайы, кийим – эрни чырайы.
- Джыланны къуйругъундан басарынг келсе, аны башы болгъанын унутма.
- Аурууну келиую тынч, кетиую – къыйын.
- Хатерли къул болур.
- Аджашханны ызындагъы кёреди, джангылгъанны джанындагъы биледи.
- Ариу сёз джыланны орнундан чыгъарыр.
- Аджалсыз ёлюм болмаз.
- Айтханы чапыракъдан ётмеген.
- Ёлюр джаннга, ёкюл джокъ.
- Мухарны эси – ашарыкъда.
- Джеринден айырылгъан – джети джылар, джуртундан айырылгъан – ёлгюнчю джылар.
- Ашхы – джыяр, аман – джояр.
- Келинни – келгинчи, бёркню кийгинчи кёр.
- Кюн – узун, ёмюр – къысха.
- Бети бедерден, намыс сакълама.
- Къазанны башы ачыкъ болса, итге уят керекди.
- Тенгни тенглиги джашай барсанг билинир.
- Тынгылагъан тынгы бузар.
- Хар адамгъа кеси миннген тау кибик.
- Сакъ юйюне сау барыр.
- Эшекге миннген – биринчи айыб, андан джыгъылгъан – экинчи айыб.
- Къая джолда джортма, ачыкъ сёзден къоркъма.
- Айранны сюйген, ийнек тутар.
- Чакъырылмагъан джерге барма, чакъырылгъан джерден къалма.
- Къарнынг бла ёч алма.
- Аллахха ийнаннган кишини, Аллах онгдурур ишин.
Профиль
|
|
|||