- Ойнай билмеген, уруб къачар.
- Ким бла джюрюсенг, аны кёзю бла кёрюнюрсе.
- Нёгерсизни джолу узун.
- Ауругъаннга – кийик саулукъ, джетген къызгъа – чилле джаулукъ.
- Орундукъ тюбюнде атылсам да, орта джиликме, де да айлан.
- Битмегеннге сакъал – танг.
- Тас болгъан бычакъны сабы – алтын.
- Кёлю джокъну – джолу джокъ.
- Къарт бла баш аша, джаш бла аякъ аша.
- Ата Джуртун танымагъан, атасын да танымаз.
- Суу ичген шауданынга тюкюрме.
- Окъдан джара эртде-кеч болса да бителир, сёз джара, ёмюрге къалыр.
- Ачыу алгъа келсе, акъыл артха къалады.
- Чыкълы кюнде чыкъмагъан, чыкъса къуру кирмеген.
- Билмейме деген – бир сёз
- Башда акъыл болмаса, эки аякъгъа кюч джетер.
- Таякъ этден ётер, тил сюекден ётер.
- Ашлыкъны арба юйге келтирир, чана базаргъа элтир.
- Бойнуму джети джерден кессенг да, мен ол ишни этеллик тюлме.
- Байлыкъдан саулукъ ашхыды.
- Босагъагъа джууукъ орун болса, ашыгъыб тёрге озма.
- Кёпюр салгъан кеси ётер, уру къазгъан кеси кетер.
- Эллинг бла джау болсанг да, юйюнг бла джау болма.
- Джарлыны эшигин махтагъан джабар.
- Кеси юйюмде мен да ханма.
- Байны къызы баймакъ болса да, юйде къалмаз!
- Ишин билген, аны сыйын чыгъарады.
- Чабакъ башындан чирийди.
- Ёлген эшек бёрюден къоркъмайды.
- Игилик игилик бла сингдирилиучю затды.
- Ёлмесенг да, къарт дамы болмазса?
- Баш болса, бёрк табылыр.
- Тенги кёбню джау алмаз, акъылы кёбню дау алмаз.
- Аман адам элни бир-бирине джау этер.
- Олтуруб кёрюнмей эди да, ёрге туруб кёрюне эди.
- Гугурук къычырмаса да, тангны атары къалмаз.
- Айран тёгюлсе, джугъусу къалыр.
- Ойнай-ойнай кёз чыгъар.
- Гитче джилтин уллу элни джандырыр.
- Мен да «сен», дейме, сен да «кесим», дейсе.
- Ётюрюкню къуйругъу – бир тутум.
- Ач уят къоймаз.
- Харам къарнашдан, халал тенг ашхы.
- Аджашханны ызындагъы кёреди, джангылгъанны джанындагъы биледи.
- Дуния малгъа сатылма, кесингден телиге къатылма.
- Къарнынг тойгъунчу аша да, белинг талгъынчы ишле.
- Айтылгъан буйрукъ, сёгюлмез
- Уллу суу бла уллу ауруудан башынгы сакъла.
- Адебни адебсизден юрен.
- Чалманны аллы къалай башланса, арты да алай барады.
Профиль
|
|
|||