- Юй ишлеген балта эшикде къалыр.
- Ата Джуртун танымагъан, атасын да танымаз.
- Тай асырагъан, атха минер.
- Зар адам ашынгы ашар, кесинги сатар.
- Къозулугъунда тоймагъан, къойлугъунда тоймаз.
- Орну джокъну – сыйы джокъ.
- Ачлыкъ отха секиртир.
- Аманны тукъумуна къарама, игини тукъумун сорма.
- Босагъагъа джууукъ орун болса, ашыгъыб тёрге озма.
- Айраннга суу къош, телиге джол бош.
- Бозаны арты дауур болур.
- Тёрени джагъы джокъ.
- Эрни эр этерик да, къара джер этерик да, тиширыуду.
- Чомартны къолу берекет.
- Джолда аягъынга сакъ бол, ушакъда тилинге сакъ бол.
- Тура эдим джата, къайдан чыкъды хата?
- Кёзю сокъурдан – къоркъма, кёлю сокъурдан – къоркъ.
- Уллу сёзде уят джокъ.
- Бети – къучакълар, джюреги – бычакълар.
- Билим насыб берир, билим джолну керир.
- Окъуу – билимни ачхычы, окъуу – дунияны бачхычы.
- Окъугъан – асыу, окъумагъан – джарсыу.
- Ёгюзню мюйюзлери ауурлукъ этмейдиле.
- Ишлемеген – тишлемез.
- Эл ауузу – элек, анга ийнаннган – халек.
- Тюзлюк тас болмайды.
- Къартны бурнун сюрт да, оноугъа тут.
- Байлыкъ болгъан джерде, тынчлыкъ джокъду.
- Ашлыкъны арба юйге келтирир, чана базаргъа элтир.
- Арбаз къынгырды да, ийнек сауалмайма.
- Элге къуллукъ этмеген, элге ие болмаз.
- Биреу ашаб къутулур, биреу джалаб тутулур.
- Джарлыны тону джаз битер.
- Къая джолда джортма, ачыкъ сёзден къоркъма.
- Эркишиге тары кебек танг кёрюнюр.
- Аз сёлеш, кёб ишле.
- Махтаннган къыз, тойда джукълар.
- Таула не мийик болсала да, аууш табылыр.
- Кёбню кёрген – кёб билир.
- Къонакъ кёб келюучю юйню, къазаны отдан тюшмез.
- Сагъышы джокъ – джукъучу, акъылы джокъ – къаугъачы.
- Акъыллы эркиши атын махтар, акъылсыз эркиши къатынын махтар.
- Акъыллы башны – тили къысха.
- Накъырда – кертини келечиси.
- Джаным-тиним – окъуу, билим.
- Битмегеннге сакъал – танг.
- Эшекге миннген – биринчи айыб, андан джыгъылгъан – экинчи айыб.
- Аджалсыз ёлюм болмаз.
- Ойнай-ойнай кёз чыгъар.
- Кимни – тили, тиши онглу, кимни – къолу, иши онглу.
Профиль
|
|
|
|||