- Ёгюзню мюйюзлери ауурлукъ этмейдиле.
- Айранны сюйген, ийнек тутар.
- Эки элинги тыйсанг, джети элде махталырса.
- Иги адам абынса да, джангылмаз.
- Борчунг бар эсе, хурджунунга ойлаб узал.
- От этилмеген джерден тютюн чыкъмайды.
- Кёрмегеннге кебек – танг, битмегеннге сакъал – танг.
- Джырчы джырчыгъа – къарнаш.
- Ата Джуртуму башы болмасам да, босагъасында ташы болайым.
- Тай асырагъан, атха минер.
- Башы ишлегенни, ауузу да ишлер.
- Къарыусузгъа кюлме, онгсузгъа тийме.
- Телиге от эт десенг, юйюнге от салыр.
- Мадар болса, къадар болур.
- Айран тёгюлсе, джугъусу къалыр.
- Тамбла алтындан бюгюн багъыр ашхы.
- Итли къонакъ джарашмаз.
- Къызбайны юйюне дери сюрсенг, батыр болур.
- Билим къая тешер.
- Ётюрюк хапар аякъ тюбю бла джюрюйдю.
- Джаным-тиним – окъуу, билим.
- Ашхылыкъ джерде джатмайды, аманлыкъ суугъа батмайды.
- Эки итни арасына сюек атма, эки адамны арасында сёз чыгъарма.
- Билимли ёлмез, билимсиз кёрмез.
- Халкъны джырын джырласанг, халкъ санга эжиу этер.
- Къралынгы – душмандан, башынгы от бла суудан сакъла.
- Эринчекге кюн узун.
- Оюмсуз атлагъан, аджалсыз ёлюр.
- Къулакъдан эсе, кёзге ышан.
- Арба аугъандан сора, джол кёргюзтюучю кёб болур.
- Арбаз къынгырды да, ийнек сауалмайма.
- Ашын ашагъанынгы, башын да сыйла.
- Чомартха Тейри да борчлуду.
- Иши джокъну, сыйы джокъ.
- Эм уллу байлыкъ – джан саулукъ.
- Кеси юйюмде мен да ханма.
- Къошда джокъгъа – юлюш джокъ.
- Азыкъ аз болса, эртде орун сал.
- Суу кетер, таш къалыр.
- Байлыкъ болгъан джерде, тынчлыкъ джокъду.
- Келлик заман – къартлыкъ келтирир, кетген заман – джашлыкъ ёлтюрюр.
- Босагъагъа джууукъ орун болса, ашыгъыб тёрге озма.
- Хантына кёре тузу, юйюне кёре къызы.
- Насыблы элин сюер, насыбсыз кесин сюер.
- Кёлсюзден сёзсюз тууар.
- Аман къатын сабий табса, бий болур…
- Башсыз урчукъ тюзюне айланмаз.
- Ишлемеген – тишлемез.
- Тюкюрюк баш джармаз, налат кёз чыгъармаз!
- Мал тутхан – май джалар.
Профиль
|
|
|||