Эльбрусоид :: Форум :: Темирлан Уртенов

Тешик этген тынчды, аны джамагъан къыйынды.
Ариу сёз джыланны орнундан чыгъарыр.
Элиб деген, элге болушур.
Эки итни арасына сюек атма, эки адамны арасында сёз чыгъарма.
Бойнуму джети джерден кессенг да, мен ол ишни этеллик тюлме.
Байма, деб да, къууанма, джарлыма, деб да, джылама.
Билимден уллу байлыкъ джокъду.
Аш кетер да бет къалыр.
Бермеген къол, алмайды.
Ата Джуртуму башы болмасам да, босагъасында ташы болайым.
Иги сеники эсе да, сюйген кесимикин этеме.
Кенгеш болса, уруш болмаз.
Сёз сёзню айтдырыр.
Адеб базарда сатылмаз.
Бал – татлы, балдан да бала – татлы.
Намысы болмагъанны, сыйы болмаз.
Джуртун къоругъан озар.
Экеулен сёлеше тура эселе, орталарына барыб кирме.
Джаш болсун, къыз болсун, акъылы, саны тюз болсун.
Тенгни тенглиги джашай барсанг билинир.
Тил бла келеди джыр да.
Чомарт къонакъ юй иесин сыйлар.
Сютден ауузу кюйген, суугъа юфгюре эди.
Ашхы – джыяр, аман – джояр.
Ойнаб айтсанг да, эслеб айт.
Билим къая тешер.
Киштикге къанат битсе, чыпчыкъ къалмаз эди.
Джарлыны эшигин махтагъан джабар.
Къарт бла баш аша, джаш бла аякъ аша.
Экеу тутушса, биреу джыгъылыр.
Кирсизни – саны таза, халалны – къаны таза.
Къыз келсе, джумуш эте келеди, къатын келсе, ушакъ эте келеди.
Эл бла кёргенинг эрелей.
Керилген да, ургъан кибикди.
Бир абыннган – минг сюрюнюр.
Кюлме джашха – келир башха.
Адам къаллай бир ишленмесе, аллай бир кесин уллу кёреди.
Байны къызы баймакъ болса да, юйде къалмаз!
Джашны джигитлиги сорулур, къызны джигерлиги сорулур.
Къазанда болса, чолпугъа чыгъар.
Адамны бетине къарама, адетине къара.
Кесине оноу эте билмеген, халкъына да эте билмез.
Сангырау къулакъ эл бузар.
Чоюнну башы ачыкъ болса, итге уят керекди.
Таукел тауну аудурур.
Аш хазыр болса, иш харам болур.
Билмезни кёзю кёрмез, этмезни къулагъы эшитмез.
Татлы сёз – балдан татлы.
Джашда акъыл джокъ, къартда къарыу джокъ.
Ёлген эшек бёрюден къоркъмайды.

Логин:
Пароль:
	Запомнить меня на этом компьютере

Забыли свой пароль?
Регистрация