- Игиге айтсанг – билир, аманнга айтсанг – кюлюр.
- Чомарт къонакъ юй иесин сыйлар.
- Къыз чыгъаргъан – къызыл къымжа.
- Суугъа – таянма, джаугъа – ийнанма.
- Бастасын ашагъан, хантусун да ичер.
- Сёз – кюмюш, джыр – алтын.
- Къызбайны юйюне дери сюрсенг, батыр болур.
- Ойнай билмеген, уруб къачар.
- Адам къаллай бир ишленмесе, аллай бир кесин уллу кёреди.
- Татлы тилде – сёз ариу, чемер къолда – иш ариу.
- Хар ишни да аллы къыйынды.
- Ач бёрюге мекям джокъ.
- Ашына кёре табагъы, балына кёре къалагъы.
- Тёзгеннге, джабылгъан эшик ачылыр.
- Айран ичген – къутулду, джугъусун джалагъан – тутулду.
- Бети бедерден, намыс сакълама.
- Насыблы элин сюер, насыбсыз кесин сюер.
- Эли джокъну – кёлю джокъ.
- Ата – билек, ана – джюрек!
- Илму – джашауну джолу.
- Къыйынлы джети элни къайгъысын этер.
- Айранны сюйген, ийнек тутар.
- Къартны сыйын кёрмеген, къартлыгъында сыйлы болмаз.
- Зар адамны насыбы болмаз.
- Иги сеники эсе да, сюйген кесимикин этеме.
- Окъугъан – асыу, окъумагъан – джарсыу.
- Тойну къарнашы – харс, джырны къарнашы – эжиу.
- Этни бети бла шорпасы.
- Къызгъанчдан ычхыныр, мухардан ычхынмаз.
- Юреннген ауруу къалмаз.
- Ашхы сёз таш тешер.
- Кёл ашады да, кеси ашады.
- Джангыз терек къынгыр ёсер.
- Кесине оноу эте билмеген, халкъына да эте билмез.
- Сакъ юйюне сау барыр.
- Къайгъыны сюйген, къайгъы табар.
- Акъыл къартда, джашда тюйюлдю – башдады.
- Ишлемеген – тишлемез.
- Алтыннга тот къонмаз.
- Джырына кёре эжиую.
- Ёлген эшек бёрюден къоркъмайды.
- Къайгъы тюбю – тенгиз.
- Аджаллыгъа окъсуз шкок атылыр.
- Аз сёлеш, кёб ишле.
- Келинин тута билмеген, къул этер, къызын тута билмеген, тул этер.
- Чабакъ башындан чирийди.
- Бир абыннган – минг сюрюнюр.
- Къонакъ аз олтурур, кёб сынар.
- Башы джабылгъан челекге, кир тюшмез.
- Ашлыкъны арба юйге келтирир, чана базаргъа элтир.
Профиль
|
|
|||