- Къызны минг тилер, бир алыр.
- Джарлы эскисин джамаса, къууаныр.
- Тойгъандан сора, ашны сёкме.
- Джаным-тиним – окъуу, билим.
- Джолда аягъынга сакъ бол, ушакъда тилинге сакъ бол.
- Аман къатын сабий табса, бий болур…
- Ашаса, ашамаса да, бёрюню ауузу – къан.
- Кеси юйюмде мен да ханма.
- Адамны аманы адамны бети бла ойнар.
- Ашын ашагъанынгы, башын да сыйла.
- Иши джокъну, сыйы джокъ.
- Джаш болсун, къыз болсун, акъылы, саны тюз болсун.
- Ашыкъгъанны этеги бутуна чырмалыр.
- От кюйдюрген, сау болса да, тот кюйдюрген, сау болмаз.
- Къонакъны къачан кетерин сорма, къачан келлигин сор.
- Къайгъыны сюйген, къайгъы табар.
- Мал ёлсе, сюек къалыр, адам ёлсе, иши къалыр.
- Таула не мийик болсала да, аууш табылыр.
- Бет бетге къараса, бет да джерге къарар.
- Джарашыу сюйген – джалынчакъ.
- Джашлыкъ этмеген, башлыкъ этмез.
- Суугъа – чабакъ, къаягъа – ыргъакъ.
- Экеу тутушса, биреу джыгъылыр.
- Ашына кёре табагъы, балына кёре къалагъы.
- Иги бла джюрюсенг, джетерсе муратынга, аман бла джюрюсенг, къалырса уятха.
- Гитче джилтин уллу элни джандырыр.
- Билим ат болуб да чабар, къуш болуб да учар.
- Адамны артындан къара сабан сюрме.
- Орну джокъну – сыйы джокъ.
- Уллу къашыкъ эрин джыртар.
- Ишлемеген – тишлемез.
- Чомартны къолу берекет.
- Ата Джуртуму башы болмасам да, босагъасында ташы болайым.
- Къан бла кирген, джан бла чыгъар.
- Ашда – бёрю, ишде – ёлю.
- Тил джюрекге джол ишлейди.
- Чёбню кёлтюрсенг, тюбюнден сёз чыгъар.
- Соргъан айыб тюлдю, билмеген айыбды.
- Ачлыкъда тары гырджын халыуадан татлы.
- Оюмсуз атлагъан, аджалсыз ёлюр.
- Игилик игилик бла сингдирилиучю затды.
- Кёл – къызбай, къол – батыр.
- Тюкюрюк баш джармаз, налат кёз чыгъармаз!
- Кёрмегеннге кебек – танг, битмегеннге сакъал – танг.
- Ашхы – джыяр, аман – джояр.
- Адеб этмеген, адеб кёрмез.
- Окъугъан озар, окъумагъан тозар.
- Ач да бол, токъ да бол – намысынга бек бол.
- Киштикге къанат битсе, чыпчыкъ къалмаз эди.
- Кюл тюбюндеги от кёрюнмейди.
Профиль
|
|
|
|||