- Артына баргъанны, къатына барма.
- Бети бедерден, намыс сакълама.
- Юре билмеген ит, къонакъ келтирир.
- Ашхы – джыяр, аман – джояр.
- Чакъырылмагъан къонакъ – орунсуз.
- Бастасын ашагъан, хантусун да ичер.
- Окъуусуз билим – джокъ, билимсиз кюнюнг – джокъ.
- Акъылсызны джууукъгъа алма, акъыллыны кенгнге салма.
- Хар зат кесини орнуна иги.
- Ишни аллы бла къууанма да, арты бла къууан.
- Экиндини кеч къылсанг, чабыб джетер ашхам.
- Ач да бол, токъ да бол – намысынга бек бол.
- Кёб джашагъан – кёб билир.
- Байлыкъ келсе, акъыл кетер.
- Арбаз къынгырды да, ийнек сауалмайма.
- Рысхы джалгъанды: келген да этер, кетген да этер.
- Ёгюзню мюйюзлери ауурлукъ этмейдиле.
- Джетген къыз джерли эшекни танымаз.
- Аманны эки битли тону болур, бирин сеннге кийдирир, бирин кеси киер.
- Эки къатын алгъан – эки ташны ортасына башын салгъан.
- Ким бла джюрюсенг, аны кёзю бла кёрюнюрсе.
- Джаным-тиним – окъуу, билим.
- Ёксюзню къалачы уллу кёрюнюр.
- Ётюрюкню къуйругъу – бир тутум.
- Биреу ашаб къутулур, биреу джалаб тутулур.
- Аманнга игилик этсенг, юйюнге сау бармазса.
- Иги – алгъыш этер, аман – къаргъыш этер.
- Зарда марда джокъ.
- Акъыл бла адеб эгизледиле.
- Ашхы сёз таш тешер.
- Джолда аягъынга сакъ бол, ушакъда тилинге сакъ бол.
- Иги сеники эсе да, сюйген кесимикин этеме.
- Адам сёзге тынгыла, акъыл сёзню ангыла.
- Эл тойса, тоймагъан, эл къойса, къоймагъан.
- Тенги кёбню джау алмаз, акъылы кёбню дау алмаз.
- Байны оноуу, джарлыгъа джарамаз.
- Таш ата билмеген, башына урур.
- Башынга джетмегенни сорма.
- Къарт бла баш аша, джаш бла аякъ аша.
- Нафысынгы айтханын этме, намысынгы айтханын эт.
- Тойгъа барсанг, тоюб бар, эски тонунгу къоюб бар.
- Окъ къызбайны джокълайды.
- Келгинчи, къонакъ уялыр, келгенден сора, къонакъбай уялыр.
- Кёзюнде тереги болгъан, чёбю болгъаннга кюле эди.
- Джашынгы кесинг юретмесенг, джашау юретир.
- Адебсиз адам – джюгенсиз ат.
- Термилгенинги табмазса, кюлгенинге тюберсе.
- Окъуу – билимни ачхычы, окъуу – дунияны бачхычы.
- Керти сёзге тёре джокъ.
- Тели турса – той бузар.
Профиль
|
|
|
|||