- Кирсизни – саны таза, халалны – къаны таза.
- Байлыкъдан саулукъ ашхыды.
- Биреуню эскиси биреуге джангы болмайды.
- Окъ къызбайны джокълайды.
- Къарт бла баш аша, джаш бла аякъ аша.
- Чомарт къонакъ юй иесин сыйлар.
- Таукел адам тау тешер.
- Къызны минг тилер, бир алыр.
- Джангыз терек къынгыр ёсер.
- Эринчекни эр алмаз, эр алса да, кёл салмаз, кёл салса да, кёб бармаз!
- Адамны аманы адамны бети бла ойнар.
- Ёлген аслан – сау чычхан.
- Уруну арты – къуру.
- Ата – баланы уясы.
- Биреуню тёрюнден, кесинги эшик артынг игиди.
- Билим ат болуб да чабар, къуш болуб да учар.
- Адамны бетине къарама, адетине къара.
- Окъдан джара эртде-кеч болса да бителир, сёз джара, ёмюрге къалыр.
- Ана кёлю – балада, бала кёлю – талада.
- Ойнаб айтсанг да, эслеб айт.
- Кёб ант этген, кёб ётюрюк айтыр.
- Ауругъанны сау билмез, ач къарынны токъ билмез.
- Хазыр ашха – терен къашыкъ.
- Таякъ этден ётер, тил сюекден ётер.
- Дуния малгъа сатылма, кесингден телиге къатылма.
- Джырчы ёлсе, джыры къалыр.
- Рысхы – насыбха къор.
- Ауругъаннга – кийик саулукъ, джетген къызгъа – чилле джаулукъ.
- Аурууну келиую тынч, кетиую – къыйын.
- Тешигини къатында, чычхан да батыр болур.
- Ашаса, ашамаса да, бёрюню ауузу – къан.
- Окъумагъан сокъурду, сокъур ташха абыныр!
- Джогъун бар этген, барын бал этген.
- Иесиз малны бёрю ашар.
- Эте билген, этген этеди, эте билмеген, юретген этеди!
- Алтыннга тот къонмаз.
- Ёпкелегенни ашы татлы болады.
- Адамны сыфатына къарама, сёзюне къара.
- Тили узунну, намысы – къысха.
- Джаш къарыу бла кючлю, къарт акъыл бла кючлю.
- Этни да ашады, бетни да ашады.
- Элни кючю – эмеген.
- Баланы адам этген анады.
- Кёбден умут этиб, аздан къуру къалма.
- Кёбню кёрген – кёб билир.
- Аш иеси бла татлыды.
- Хатерли къул болур.
- Ариуну – ауруу кёб.
- Тилсиз миллет джокъ болур.
- Халкъны джырын джырласанг, халкъ санга эжиу этер.
Профиль
|
|
|||