- Мадар болса, къадар болур.
- Чакъырылмагъан къонакъ къачан кетерин сормаз.
- Арпа, будай – ащды, алтын, кюмюш а – ташды.
- Окъ къызбайны джокълайды.
- Эрни эр этерик да, къара джер этерик да, тиширыуду.
- Орундукъ тюбюнде атылсам да, орта джиликме, де да айлан.
- Байлыкъ келсе, акъыл кетер.
- Ашлыкъ – бюртюкден, джюн – тюкден.
- Окъугъан – асыу, окъумагъан – джарсыу.
- Нафысынгы айтханын этме, намысынгы айтханын эт.
- Кесинг сынамагъан затны, адамгъа буюрма.
- Адамны артындан къара сабан сюрме.
- Суугъа – чабакъ, къаягъа – ыргъакъ.
- Суу ичген шауданынга тюкюрме.
- Дуния аламаты сен эсенг да, игиме деб айтма.
- Ишлегенде эринме, ишде чолакъ кёрюнме.
- Ургъан суудан башынгы сакъла.
- Айран тёгюлсе, джугъусу къалыр.
- Ариу сёз джыланны орнундан чыгъарыр.
- Къонакъ кёб келюучю юйню, къазаны отдан тюшмез.
- Тулпарлыкъ, билекден тюл – джюрекден.
- Ач келгенни – тойдур, кеч келгенни – къондур.
- Кийимни бир кюнню аясанг, минг кюннге джарар.
- Ата – билек, ана – джюрек!
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Бойнуму джети джерден кессенг да, мен ол ишни этеллик тюлме.
- Адам боллукъ, атламындан белгили болур.
- Чоюнну башы ачыкъ болса, итге уят керекди.
- Тойгъа алгъа да барма, тойда артха да къалма.
- Ат да турмайды бир териде.
- Насыб бютеу халкъны юлюшюдю.
- Эркиши – от, тиширыу – суу.
- Аманны эки битли тону болур, бирин сеннге кийдирир, бирин кеси киер.
- Ышармагъан – кюлмез, кюлмеген – къууанчны билмез.
- Гугурук къычырмаса да, тангны атары къалмаз.
- Къонакъ болсанг, ийнакъ бол.
- Айтылгъан буйрукъ, сёгюлмез
- Аман къатын сабий табса, бий болур…
- Байны оноуу, джарлыгъа джарамаз.
- Ушамагъан – джукъмаз.
- Джол бла сёзню къыйыры джокъ.
- Башсыз урчукъ тюзюне айланмаз.
- Джюрекге ариу – кёзге да ариу.
- Мухарны эси – ашарыкъда.
- Алма терегинден кери кетмез.
- Тойгъа барсанг, тоюб бар, эски тонунгу къоюб бар.
- Къонагъынгы артмагъын алма да, алгъышын ал.
- Ишленмеклик адамлыкъды.
- Эки ойлашыб, бир сёлешген.
- Эринчекни эр алмаз, эр алса да, кёл салмаз, кёл салса да, кёб бармаз!
Профиль
|
КаприЗулька Локьяева
 Эльбрусоид
Баллов: 0
Регистрация: 24.02.2014
Последний визит: 03.09.2014 15:56:08
|
|
||||||
|
|
|
||||||