- Ауузу бла къуш тута айланады.
- Къыз чыгъаргъан – къызыл къымжа.
- Тюкюрюк баш джармаз, налат кёз чыгъармаз!
- Къартха ушагъан джаш – акъыллы, джашха ушагъан къарт – тели.
- Джашда акъыл джокъ, къартда къарыу джокъ.
- Айырылмаз джууугъунга, унутмаз сёзню айтма.
- Чомартны къолун джокълукъ байлар.
- Кёбден умут этиб, аздан къуру къалма.
- Туз, гырджын аша, тюзлюк бла джаша.
- Чабакъгъа акъыл, табагъа тюшсе келеди.
- Эки къатын алгъан – эки ташны ортасына башын салгъан.
- Къарнынг къанлынга кийирир.
- Баргъанынга кёре болур келгенинг.
- Экеу тутушса, биреу джыгъылыр.
- Джюрекге ариу – кёзге да ариу.
- Чыкълы кюнде чыкъмагъан, чыкъса къуру кирмеген.
- Халкъны юйю – туугъан джери.
- Джолунга кёре – джюрюшюнг, джагъанга кёре – юлюшюнг.
- Къазанда болса, чолпугъа чыгъар.
- Тёзген – тёш ашар!
- Иесиз малны бёрю ашар.
- Атлыны кёрсе, джаяуну буту талыр.
- Сютню башын джалагъан къутулур, тюбюн ичген тутулур.
- Ауузу аманнга «иги», деме.
- Дуния малгъа сатылма, кесингден телиге къатылма.
- Сибиртки да сыйлы болду, кюрек да кюнлю болду.
- Байдан умут эте, джарлыдан ёгюз багъасы къорады.
- Гугурук къычырмаса да, тангны атары къалмаз.
- Джыгъылгъанны сырты джерден тоймаз.
- Айран ичген – къутулду, джугъусун джалагъан – тутулду.
- Ашарыкъда сайлагъаннга – чий гырджын.
- Башда акъыл болмаса, эки аякъгъа кюч джетер.
- Этек чакъмакълары баш джаргъан, сёлешген сёзлери таш джаргъан.
- Аман хансны – урлугъу кёб.
- Мал ёлсе, сюек къалыр, адам ёлсе, иши къалыр.
- Ач, тоймам, дейди, тойгъан, ач болмам, дейди.
- Бек ашыкъгъан меннге джетсин, дегенди аракъы.
- Хантына кёре тузу, юйюне кёре къызы.
- Джаш къарыу бла кючлю, къарт акъыл бла кючлю.
- Айраннга суу къош, телиге джол бош.
- Джетген къыз джерли эшекни танымаз.
- Билим – акъылны чырагъы.
- Кюн – узун, ёмюр – къысха.
- Хар ишни да аллы къыйынды.
- Насыб бютеу халкъны юлюшюдю.
- Тойгъанлыкъ къойгъа джарашады.
- Экеулен сёлеше тура эселе, орталарына барыб кирме.
- Таш ата билмеген, башына урур.
- Джол бла сёзню къыйыры джокъ.
- Зар адамны насыбы болмаз.
Профиль
|
|
|||