Эльбрусоид :: Форум

Тойгъан джерге джети къайт.
Нёгер болсанг, тенг бол, тенг болмасанг, кенг бол.
Билим къая тешер.
Эр сокъур болсун, къатын тилсиз болсун.
Юй кюйдю да, кюйюз чыкъды, ортасындан тюйюш чыкъды.
Соргъан айыб тюлдю, билмеген айыбды.
Босагъа таш юйге кирмей эди, тыбыр таш эшикге чыкъмай эди.
Башы ишлегенни, ауузу да ишлер.
Окъдан джара эртде-кеч болса да бителир, сёз джара, ёмюрге къалыр.
Эркишиге тары кебек танг кёрюнюр.
Терслик кетер, тюзлюк джетер.
Таула не мийик болсала да, аууш табылыр.
Игини сыйлагъан адетди.
Эринчекни эр алмаз, эр алса да, кёл салмаз, кёл салса да, кёб бармаз!
Ач да бол, токъ да бол – намысынга бек бол.
Тюз сёз баргъан сууну тыяр.
Огъурлуну сёзю – суу, огъурсузну сёзю – уу.
Сабийни джумушха джибер да, ызындан бар.
Ишлерге уял да, ашаргъа табма.
Айтылгъан сёз ызына къайтмаз.
Келинин тута билмеген, къул этер, къызын тута билмеген, тул этер.
Билмезни кёзю кёрмез, этмезни къулагъы эшитмез.
Ата – билек, ана – джюрек!
Аман адам этегингден тутса, кес да къач.
Къралынгы – душмандан, башынгы от бла суудан сакъла.
Къызгъанчдан ычхыныр, мухардан ычхынмаз.
Къарнынг къанлынга кийирир.
Босагъагъа джууукъ орун болса, ашыгъыб тёрге озма.
Тура эдим джата, къайдан чыкъды хата?
Мен да «сен», дейме, сен да «кесим», дейсе.
Ач отунчуну ачыуу – бурнунда.
Танг атмайма десе да, кюн къоярыкъ тюйюлдю.
Элде адам къалмаса, ит тахтагъа минер.
Тюзлюк шохлукъну бегитир.
Айтхан – тынч, этген – къыйын.
Таш ата билмеген, башына урур.
Керек ташны ауурлугъу джокъ.
Эри аманны, къатыны – аман.
Садакъачыны джаны – къапчыгъында.
Чабакъсыз кёлге къармакъ салгъанлыкъгъа, чабакъ тутмазса.
Акъыл къартда, джашда тюйюлдю – башдады.
Биреуню тёрюнден, кесинги эшик артынг игиди.
Адеб базарда сатылмаз.
Чалманны аллы къалай башланса, арты да алай барады.
Къарт бла баш аша, джаш бла аякъ аша.
Гугурук къычырмаса да, тангны атары къалмаз.
Бозанг болмагъан джерге, къалагъынгы сукъма.
Суу кетер, таш къалыр.
Адам сёзюнден белгили.
Ариу джол аджал келтирмез.

Логин:
Пароль:
	Запомнить меня на этом компьютере

Забыли свой пароль?
Регистрация