Войти на сайт
19 Марта  2024 года

 

  • Сёз сёзню айтдырыр.
  • Айтылгъан буйрукъ, сёгюлмез
  • Бир абыннган – минг сюрюнюр.
  • Къарнынг ауруса, ауузунгу тый
  • Тойгъан антын унутур.
  • Джашда акъыл джокъ, къартда къарыу джокъ.
  • Орундукъ тюбюнде атылсам да, орта джиликме, де да айлан.
  • Аман адам элни бир-бирине джау этер.
  • Суу да къайтады чыкъгъан джерине.
  • Бойнуму джети джерден кессенг да, мен ол ишни этеллик тюлме.
  • Къууут – джелге, берне – бошха.
  • Къайтырыкъ эшигинги, къаты уруб чыкъма.
  • Аз сёлеш, кёб ишле.
  • Аманнга игилик этсенг, юйюнге сау бармазса.
  • Къызгъанчдан ычхыныр, мухардан ычхынмаз.
  • Нёгерсизни джолу узун.
  • Къатын къылыкъсыз, эр тынчлыкъсыз.
  • Тенги кёбню джау алмаз, акъылы кёбню дау алмаз.
  • Ойнаб айтсанг да, эслеб айт.
  • Ёзденликни кёбю ётюрюк.
  • Келгинчи, къонакъ уялыр, келгенден сора, къонакъбай уялыр.
  • Намысы джокъну – дуниясы джокъ.
  • Элге къуллукъ этмеген, элге ие болмаз.
  • Аш берме да, къаш бер.
  • Элни кючю – эмеген.
  • Кёбден умут этиб, аздан къуру къалма.
  • Арба аугъандан сора, джол кёргюзтюучю кёб болур.
  • Чарсда алчыны эл кёреди.
  • Аз айтсам, кёб ангылагъыз.
  • Джашынгы кесинг юретмесенг, джашау юретир.
  • Къызны минг тилер, бир алыр.
  • Нафысынгы айтханын этме, намысынгы айтханын эт.
  • Эшекни не къадар тюйсенг да, ат болмаз.
  • Сёз – кюмюш, джыр – алтын.
  • Иесиз малны бёрю ашар.
  • Ауурну тюбю бла, дженгилни башы бла джюрюген.
  • Байлыкъ адамны сокъур этер.
  • Таугъа чыгъаллыкъ эсенг, тюзде къалма.
  • Экеу тутушса, биреу джыгъылыр.
  • Аман къатын сабий табса, бий болур…
  • Чомарт бергенин айтмаз.
  • Кёб джашагъан – кёб билир.
  • Накъырданы арты керти болур.
  • Ишлегенде эринме, ишде чолакъ кёрюнме.
  • Урама да – ёледи, сатама да – келеди.
  • Къонакъны къачан кетерин сорма, къачан келлигин сор.
  • Эм ашхы къайын ана мамукъ бла башынгы тешер.
  • Ат басханны джер билед.
  • Этим кетсе да, сюегим къалыр.
  • Арбаз сайлама да, хоншу сайла.

 

Профиль
Личные данные
Дата рождения: 18.07.1992
Пол: Женский

 

Написать нам