- Шекер бла туз – бир болмаз, ушамагъан – юй болмаз.
- Уллу айтханны этмеген – уллаймаз.
- Акъыллы башны – тили къысха.
- Танг атмайма десе да, кюн къоярыкъ тюйюлдю.
- Алма терегинден кери кетмез.
- Ариу сёз джыланны орнундан чыгъарыр.
- Иесиз малны бёрю ашар.
- Ёгюзню мюйюзлери ауурлукъ этмейдиле.
- Билим насыб берир, билим джолну керир.
- Берекет берсин деген джерде, берекет болур.
- Рысхы джалгъанды: келген да этер, кетген да этер.
- Тилчи тилден къаныкъмаз.
- Хунаны тюбюн къазсанг, юсюнге ауар.
- Чабакъсыз кёлге къармакъ салгъанлыкъгъа, чабакъ тутмазса.
- Терек ауса, отунчу – кёб.
- Джарашыу сюйген – джалынчакъ.
- Тюзню ётмеги тюзде къалса да, тас болмаз.
- Мен да «сен», дейме, сен да «кесим», дейсе.
- Чыкълы кюнде чыкъмагъан, чыкъса къуру кирмеген.
- Иги джашны ышаны – аз сёлешиб, кёб тынгылар.
- Ишге юренсин къоллары, халкъ бла болсун джоллары.
- Арыгъан къош чамчы болур.
- Ариу сёз – къылычдан джити.
- Малны кют, джерни тюрт.
- Уллу суу бла уллу ауруудан башынгы сакъла.
- Джылыгъа джылан илешир.
- Ёксюзню къалачы уллу кёрюнюр.
- Байлыкъдан саулукъ ашхыды.
- Орну джокъну – сыйы джокъ.
- Аманнга алтын чыдамаз.
- Элиб деген, элге болушур.
- Бир абыннган – минг сюрюнюр.
- Онгсузну – джакъла, тенгликни – сакъла.
- Атлыны кёрсе, джаяуну буту талыр.
- Эри аманны, къатыны – аман.
- Намысы болмагъанны, сыйы болмаз.
- Эм ашхы къайын ана мамукъ бла башынгы тешер.
- Билим къая тешер.
- Уясында не кёрсе, учханында аны этер.
- Керилген да, ургъан кибикди.
- Къарын къуру болса, джюрек уру болур.
- Ашда – бёрю, ишде – ёлю.
- Аллахдан тилесенг, кёб тиле.
- Намысы джокъну – дуниясы джокъ.
- Къарнынг тойгъунчу аша да, белинг талгъынчы ишле.
- Орундукъ тюбюнде атылсам да, орта джиликме, де да айлан.
- Босагъагъа джууукъ орун болса, ашыгъыб тёрге озма.
- Ашхылыкъ джерде джатмайды, аманлыкъ суугъа батмайды.
- Ариу джол аджал келтирмез.
- Баш – акъыл ючюн, акъылман – халкъ ючюн.
Профиль
|
|
|||