- Джарлы тюеге минсе да, ит къабар.
- Ёлмесенг да, къарт дамы болмазса?
- Шайтан алдады, тюзлюк къаргъады.
- Уллу айтханны этмеген – уллаймаз.
- Кёпюр салгъан кеси ётер, уру къазгъан кеси кетер.
- Бал ашаргъа сюе эсенг, чибин ургъаннга тёз.
- Ауурну тюбю бла, дженгилни башы бла джюрюген.
- Кюлме джашха – келир башха.
- Окъугъанны бети джарыкъ.
- Этек чакъмакълары баш джаргъан, сёлешген сёзлери таш джаргъан.
- Суугъа – чабакъ, къаягъа – ыргъакъ.
- Ачыкъ джюрекге джол – ачыкъ.
- Ашлыкъ – бюртюкден, джюн – тюкден.
- Босагъагъа джууукъ орун болса, ашыгъыб тёрге озма.
- Сабийни джумушха джибер да, ызындан бар.
- Ишни ахырын ойламай, аллын башлама.
- Ач къарынны, токъ билмез
- Акъыл къартда, джашда тюйюлдю – башдады.
- Чакъырылмагъан джерге барма, чакъырылгъан джерден къалма.
- Аллахха ийнаннган кишини, Аллах онгдурур ишин.
- Эл ауузу – элек, анга ийнаннган – халек.
- Огъурлуну сёзю – суу, огъурсузну сёзю – уу.
- Аш хазыр болса, иш харам болур.
- Иги бла джюрюсенг, джетерсе муратынга, аман бла джюрюсенг, къалырса уятха.
- Чабакъгъа акъыл, табагъа тюшсе келеди.
- Ата джурт – алтын бешик.
- Адамны джюреги нени кёрюрге сюйсе, кёзю да аны кёрюрге ёч болады.
- Аманнга игилик этсенг, юйюнге сау бармазса.
- Эл бла кёргенинг эрелей.
- Джырчы джырчыгъа – къарнаш.
- Къолу уллу – асыу, аягъы уллу – джарсыу.
- Келлик заман – къартлыкъ келтирир, кетген заман – джашлыкъ ёлтюрюр.
- Халкъны юйю – туугъан джери.
- Кёзню ачылгъаны – иги, ауузну джабылгъаны – иги.
- Кёл – къызбай, къол – батыр.
- Ариу – кёзге, акъыл – джюрекге.
- Бозанг болмагъан джерге, къалагъынгы сукъма.
- Нафысынгы айтханын этме, намысынгы айтханын эт.
- Ашхылыкъ джерде джатмайды, аманлыкъ суугъа батмайды.
- Ашхы болсанг, атынг чыгъар, аман болсанг, джанынг чыгъар.
- Тёзгеннге, джабылгъан эшик ачылыр.
- Дуния мал дунияда къалады.
- Киштикге къанат битсе, чыпчыкъ къалмаз эди.
- Ёлген ийнек сютлю болур.
- Тура эдим джата, къайдан чыкъды хата?
- Элиб деген, элге болушур.
- Ауузу бла къуш тута айланады.
- Сагъыш – къартлыкъгъа сюйюмчю.
- Ишге юренсин къоллары, халкъ бла болсун джоллары.
- Кимни – тили, тиши онглу, кимни – къолу, иши онглу.
Профиль
|
|
|||