- Къралынгы – душмандан, башынгы от бла суудан сакъла.
- Рысхысына кёре, джаш ёсер, къышлыгъына кёре, мал ёсер.
- Тура эдим джата, къайдан чыкъды хата?
- Аджал соруб келмез, келсе, къайтыб кетмез.
- Сабыр джетер муратха, сабырсыз къалыр уятха.
- Ачлыкъ отха секиртир.
- Аууздан келген, къолдан келсе, ким да патчах болур эди.
- Мени джылытмагъан кюн, меннге тиймесин!
- Сакъ юйюне сау барыр.
- Джюрек кёзден алгъа кёрюр.
- Къоркъакъны кёзю экили кёрюр.
- Джарлы джети элни сёзюн этер.
- Сагъыш – къартлыкъгъа сюйюмчю.
- Ариу сёз – къылычдан джити.
- Тешигини къатында, чычхан да батыр болур.
- Къарын къуру болса, джюрек уру болур.
- Чакъырылмай келген къонакъ сыйланмай кетер.
- Кёзню ачылгъаны – иги, ауузну джабылгъаны – иги.
- Къыз тиширыу кеси юйюнде да къонакъды.
- Аллахдан тилесенг, кёб тиле.
- Джигер – джаннга къыйынлыкъ.
- Билген билмегенни юретген адетди.
- Юре билмеген ит, къонакъ келтирир.
- Атынг аманнга чыкъгъандан эсе, джанынг тамагъынгдан чыкъсын.
- Биреуню эскиси биреуге джангы болмайды.
- Намысы болмагъанны, сыйы болмаз.
- Байлыкъдан саулукъ ашхыды.
- Ашда – бёрю, ишде – ёлю.
- Тилде сюек болмаса да, сюек сындырыр.
- Киштикге къанат битсе, чыпчыкъ къалмаз эди.
- Ач бёрюге мекям джокъ.
- Оюмсуз атлагъан, аджалсыз ёлюр.
- Къазанны башы ачыкъ болса, итге уят керекди.
- Къолу уллу – асыу, аягъы уллу – джарсыу.
- Намыс болмагъан джерде, насыб болмаз.
- Адам сёзге тынгыла, акъыл сёзню ангыла.
- Ауурну тюбю бла, дженгилни башы бла джюрюген.
- Тёгюлген тюгел джыйылмайды.
- Ишге юренсин къоллары, халкъ бла болсун джоллары.
- Тёрени джагъы джокъ.
- Зар адамны насыбы болмаз.
- Мухар, кеси тойса да, кёзю тоймаз.
- Иги адамны бир сёзю эки болмаз.
- Джаз бир кюнню джатсанг, къыш талай кюнню абынырса.
- Къатыны харакетли болса, эри къымсыз болур.
- Ач да бол, токъ да бол – намысынга бек бол.
- Сагъышы джокъ – джукъучу, акъылы джокъ – къаугъачы.
- Тюзлюк шохлукъну бегитир.
- Узун джолну барсанг, бюгюн келирсе, къысха джолну барсанг, тамбла келирсе.
- Ауузу бла къуш тута айланады.
Профиль
|
|
|
|||