- Окъдан джара эртде-кеч болса да бителир, сёз джара, ёмюрге къалыр.
- Ана – юйню кюн джарыгъы.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Эте билген, этген этеди, эте билмеген, юретген этеди!
- Тынгылагъан тынгы бузар.
- Ашха уста, юйюнде болсун
- Ана къолу ачытмаз.
- Юре билмеген ит, къонакъ келтирир.
- Эр абынмай, эл танымаз.
- Азыкълы ат арымаз, къатыны аман джарымаз.
- Ойнай билмеген, уруб къачар.
- Ётюрюкден тюбю джокъ, кёлтюрюрге джиби джокъ.
- Ишин билген, аны сыйын чыгъарады.
- Тулпарлыкъ, билекден тюл – джюрекден.
- Экеу тутушса, биреу джыгъылыр.
- Ач уят къоймаз.
- Эл бла кёргенинг эрелей.
- Ичимден чыкъды хата, къайры барайым сата?
- Зарда марда джокъ.
- Джашда акъыл джокъ, къартда къарыу джокъ.
- Хансыз джомакъ болмаз.
- Аллахдан тилесенг, кёб тиле.
- Баш болса, бёрк табылыр.
- Къолу уллу – асыу, аягъы уллу – джарсыу.
- Кёзню ачылгъаны – иги, ауузну джабылгъаны – иги.
- Кесинге джетмегенни, кёб сёлешме.
- Юйюнгден чыкъдынг – кюнюнгден чыкъдынг.
- Сёз сёзню айтдырыр.
- Алим болгъандан эсе, адам болгъан къыйынды.
- Этни бети бла шорпасы.
- Джауумдан сора, кюн кюйдюрюр, ётюрюкден сора, айыб кюйдюрюр.
- Эм уллу байлыкъ – джан саулукъ.
- Урунуу – насыбны анасы.
- Кюн – узун, ёмюр – къысха.
- Сютден ауузу кюйген, суугъа юфгюре эди.
- Къыз келсе, джумуш эте келеди, къатын келсе, ушакъ эте келеди.
- Босагъагъа джууукъ орун болса, ашыгъыб тёрге озма.
- Аякъларынгы джууургъанынга кёре узат.
- Билмейме деген – бир сёз
- Акъыл бла адеб эгизледиле.
- Юйюнг бла джау болгъандан эсе, элинг бла джау бол.
- Чомартны къолу берекет.
- Адамны сыфатына къарама, сёзюне къара.
- Кёз – сюйген джерде, къол – ауругъан джерде.
- Аш берме да, къаш бер.
- Кёл – къызбай, къол – батыр.
- Кёб ант этген, кёб ётюрюк айтыр.
- Аман адамны тепсинге олтуртсанг, къызынгы тилер.
- Бети – къучакълар, джюреги – бычакълар.
- Садакъачыны джаны – къапчыгъында.
Профиль
|
|
|||