- Ашатыргъа иш – ашхы, ишлетирге аш – ашхы.
- Эки ойлашыб, бир сёлешген.
- Чомарт къолда мал къалмаз.
- Кёб ант этген, кёб ётюрюк айтыр.
- Махтаннган къыз, тойда джукълар.
- Этни да ашады, бетни да ашады.
- Эртде тургъан джылкъычыны эркек аты тай табар.
- Къарнынг бла ёч алма.
- Ишлерге уял да, ашаргъа табма.
- Окъ къызбайны джокълайды.
- Эки къатын алгъан – эки ташны ортасына башын салгъан.
- От кюйдюрген, сау болса да, тот кюйдюрген, сау болмаз.
- Ишлемеген – тишлемез.
- Терслик кетер, тюзлюк джетер.
- Элиб деген, элге болушур.
- Ач къарным, тынч къулагъым.
- Гыдай эчки суугъа къараб, мюйюзле кёрмесе, джашма алкъын, дегенди.
- Элге къуллукъ этмеген, элге ие болмаз.
- Къарны аманнга къазан такъдырма, къолу аманнга от джакъдырма.
- Чоюнну башы ачыкъ болса, итге уят керекди.
- Кийимни бир кюнню аясанг, минг кюннге джарар.
- Суу ичген шауданынга тюкюрме.
- Ашхы – джыяр, аман – джояр.
- Сёз сёзню айтдырыр.
- Зарда марда джокъ.
- Эллинг бла джау болсанг да, юйюнг бла джау болма.
- Ач къарынны, токъ билмез
- Къыйынлы джети элни къайгъысын этер.
- Уллу сёзде уят джокъ.
- Рысхы джалгъанды: келген да этер, кетген да этер.
- Шайтан алдады, тюзлюк къаргъады.
- Бети – къучакълар, джюреги – бычакълар.
- Эри аманны, къатыны – аман.
- Джарлы тюеге минсе да, ит къабар.
- Ат басханны джер билед.
- Хазыр ашха – терен къашыкъ.
- Бек ашыкъгъан меннге джетсин, дегенди аракъы.
- Чарсда алчыны эл кёреди.
- Мухардан ач ычхынмаз.
- Юй кюйдю да, кюйюз чыкъды, ортасындан тюйюш чыкъды.
- Ёксюзню тилеги къабыл болур.
- Къарнынг тойгъунчу аша да, белинг талгъынчы ишле.
- Экиндини кеч къылсанг, чабыб джетер ашхам.
- Байны къызы баймакъ болса да, юйде къалмаз!
- Айырылгъанланы айю ашар, бёлюннгенлени бёрю ашар.
- Джолунга кёре – джюрюшюнг, джагъанга кёре – юлюшюнг.
- Мал ёлсе, сюек къалыр, адам ёлсе, иши къалыр.
- Кийиминг бла танылма, адамлыкъ бла таныл.
- Джумушакъ сёз къаты таякъны сындырыр.
- Тили узунну, намысы – къысха.
Профиль
|
|
|
|||