- Арпа, будай – ащды, алтын, кюмюш а – ташды.
- Кёл ашады да, кеси ашады.
- Ханы къызы буюгъа-буюгъа киштик болду.
- Къуру гыбыт бек дыгъырдар.
- Чомартха Тейри да борчлуду.
- Арыгъан къош чамчы болур.
- Акъыллы эркиши атын махтар, акъылсыз эркиши къатынын махтар.
- Суу ичген шауданынга тюкюрме.
- Зар адам ашынгы ашар, кесинги сатар.
- Келлик заман – къартлыкъ келтирир, кетген заман – джашлыкъ ёлтюрюр.
- Таукел къуру къалмаз.
- Эски джаугъа ышанма.
- Киштикге къанат битсе, чыпчыкъ къалмаз эди.
- Келгинчи, къонакъ уялыр, келгенден сора, къонакъбай уялыр.
- Ачыкъ джюрекге джол – ачыкъ.
- Ауурну тюбю бла, дженгилни башы бла джюрюген.
- Тойну къарнашы – харс, джырны къарнашы – эжиу.
- Мал ёлсе, сюек къалыр, адам ёлсе, иши къалыр.
- Урунуу – насыбны анасы.
- Аманнга алтын чыдамаз.
- Таугъа чыгъаллыкъ эсенг, тюзде къалма.
- Къайгъы тюбю – тенгиз.
- Адам сёзюнден белгили.
- Кесине оноу эте билмеген, халкъына да эте билмез.
- Къатыны харакетли болса, эри къымсыз болур.
- Биреуге аманлыкъны тилеме да, кесинге ашхылыкъны тиле.
- Кесинг сынамагъан затны, адамгъа буюрма.
- Ишлерге уял да, ашаргъа табма.
- Адам къыйынлыгъын кёлтюрюр, зауукълугъун кёлтюрмез.
- Кенгеш болса, уруш болмаз.
- Сёлеш деб шай берген, тохта деб, сом берген.
- Къобан да къуру да къобханлай турмайды, адам да къуру да патчахлай турмайды.
- Керилген да, ургъан кибикди.
- Чомарт къонакъ юй иесин сыйлар.
- Къызбайны юйюне дери сюрсенг, батыр болур.
- Чабакъ башындан чирийди.
- Джюрекге ариу – кёзге да ариу.
- Ашаса, ашамаса да, бёрюню ауузу – къан.
- Айырылгъанланы айю ашар, бёлюннгенлени бёрю ашар.
- Ашыкъгъанны этеги бутуна чырмалыр.
- Эркишиге тары кебек танг кёрюнюр.
- Айыбны суу бла джууалмазса.
- Чакъырылмай келген къонакъ сыйланмай кетер.
- Ёзденликни джайгъан – джокълукъ.
- Уллу къазанда бишген эт, чий къалмаз.
- Байлыкъ болгъан джерде, тынчлыкъ джокъду.
- Ётюрюкню башын керти кесер.
- Кюн – узун, ёмюр – къысха.
- Къартны бурнун сюрт да, оноугъа тут.
- Элиб деген, элге болушур.
Профиль
|
|
|
|||