- Биреуге аманлыкъны тилеме да, кесинге ашхылыкъны тиле.
- Башынга джетмегенни сорма.
- Этим кетсе да, сюегим къалыр.
- Джарлыны тону джаз битер.
- Тели турса – той бузар.
- Адам боллукъ, атламындан белгили болур.
- Джашлыкъ этмеген, башлыкъ этмез.
- Акъыллы – эл иеси, тели – эл баласы.
- Суу да къайтады чыкъгъан джерине.
- Сёз къанатсыз учар.
- Адам сёзге тынгыла, акъыл сёзню ангыла.
- Ашаса, ашамаса да, бёрюню ауузу – къан.
- Игилик игилик бла сингдирилиучю затды.
- Кийимни бичсенг, кенг бич, тар этген къыйын тюлдю.
- Хаухну атма, ёнгкючню сатма.
- Уллу атлама – абынырса, уллу къабма – къарылырса.
- Алим болгъандан эсе, адам болгъан къыйынды.
- Хазыр ашха – терен къашыкъ.
- Биреу ашаб къутулур, биреу джалаб тутулур.
- Эли джокъну – кёлю джокъ.
- Ат да турмайды бир териде.
- Термилгенинги табмазса, кюлгенинге тюберсе.
- Гыдай эчки суугъа къараб, мюйюзле кёрмесе, джашма алкъын, дегенди.
- Акъыллы айтыр эди, акъылсыз къоймайды.
- Булут кёкге джарашыу, уят бетге джарашыу.
- Къайгъыны сюйген, къайгъы табар.
- Адамны сабийин сюйген джюреги, бычакъча, джитиди.
- Тура эдим джата, къайдан чыкъды хата?
- Джыгъылгъанны сырты джерден тоймаз.
- Къонагъынгы артмагъын алма да, алгъышын ал.
- Билим къая тешер.
- Эркишини аманы тиширыуну джылатыр.
- Хар сёзню орну барды.
- Къарт бла баш аша, джаш бла аякъ аша.
- Кёзден кетген, кёлден да кетеди.
- Сууда джау джокъ, кёб сёзде магъана джокъ.
- Экиндини кеч къылсанг, чабыб джетер ашхам.
- Ёзденликни джайгъан – джокълукъ.
- Ёксюзню къалачы уллу кёрюнюр.
- Аджаллыгъа окъсуз шкок атылыр.
- Чыбыкълыкъда бюгюлмеген, къазыкълыкъда бюгюлмей эди.
- Къонакъ аз олтурур, кёб сынар.
- Къонагъы джокъну – шоху джокъ.
- Кёбден умут этиб, аздан къуру къалма.
- Ишге юренсин къоллары, халкъ бла болсун джоллары.
- Ханнга да келеди хариблик.
- Ачылгъан эт джабылыр, кёрген кёз унутмаз.
- Бети бедерден, намыс сакълама.
- Тёрени джагъы джокъ.
- Чомартха хар кюн да байрамды.
Профиль
|
|
|||