- Къобан да къуру да къобханлай турмайды, адам да къуру да патчахлай турмайды.
- Тамчы таш тешер.
- Кёл – къызбай, къол – батыр.
- Тил бла келеди джыр да.
- Ёнгкюч къууана барыр, джылай келир.
- Тойгъа барсанг, тоюб бар, эски тонунгу къоюб бар.
- Тёрде – темир таякълы, къаяда – чыпчыкъ аякълы.
- Келинни – келгинчи, бёркню кийгинчи кёр.
- Ач – эснер, ат – кишнер.
- Ашын ашагъанынгы, башын да сыйла.
- Накъырда – кертини келечиси.
- Ауругъанны сау билмез, ач къарынны токъ билмез.
- Аджашхан тёгерек айланыр.
- Арыгъан къош чамчы болур.
- Иесиз малны бёрю ашар.
- Эшекге миннген – биринчи айыб, андан джыгъылгъан – экинчи айыб.
- Джылкъыдан – ат чыгъар, тукъумдан – джаш чыгъар.
- Аякъларынгы джууургъанынга кёре узат.
- Ышармагъан – кюлмез, кюлмеген – къууанчны билмез.
- Къыйынлы джети элге оноу этер.
- Тёзген – тёш ашар!
- Бал ашаргъа сюе эсенг, чибин ургъаннга тёз.
- Юйлю уругъа ит чабмаз.
- Къоркъакъны кёзю экили кёрюр.
- Аз сёлеш, кёб ишле.
- Тыш элде солтан болгъандан эсе, кесинги элде олтан болгъан игиди!
- Къан бла кирген, джан бла чыгъар.
- Таукел адам тау тешер.
- Кесинг сынамагъан затны, адамгъа буюрма.
- Эм уллу байлыкъ – джан саулукъ.
- Джырчы джырчыгъа – къарнаш.
- Тил – кесген бычакъ, сёз – атылгъан окъ.
- От кюйдюрген, сау болса да, тот кюйдюрген, сау болмаз.
- Нарт сёз – тилни бети.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Харам къарнашдан, халал тенг ашхы.
- Къарт болгъан джерде, берекет болур, сабий болгъан джерде, оюн болур.
- Шекер бла туз – бир болмаз, ушамагъан – юй болмаз.
- Байлыкъ тауусулур, билим тауусулмаз.
- Ёлмесенг да, къарт дамы болмазса?
- Тенгни тенглиги джашай барсанг билинир.
- Къуллукъчума, деб махтанма, къуллукъ – хаух джамчыды!
- Ёлюк кебинсиз къалмаз.
- Сабийни джумушха джибер да, ызындан бар.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Этек чакъмакълары баш джаргъан, сёлешген сёзлери таш джаргъан.
- Келинин тута билмеген, къул этер, къызын тута билмеген, тул этер.
- Азыкълы ат арымаз, къатыны аман джарымаз.
- Уллу атлама – абынырса, уллу къабма – къарылырса.
- Болджал ишни бёрю ашар.
Профиль
|
|
|||