- Тенгинг джокъ эсе – изле, бар эсе – сакъла!
- Орундукъ тюбюнде атылсам да, орта джиликме, де да айлан.
- Чабакъгъа акъыл, табагъа тюшсе келеди.
- Кёкдеги болмаса, джердегин кёрмейди.
- Ишленмеген джаш – джюгенсиз ат, ишленмеген къыз – тузсуз хант.
- Джахил болса анасы, не билликди баласы?
- Аууздан келген, къолдан келсе, ким да патчах болур эди.
- Окъдан джара эртде-кеч болса да бителир, сёз джара, ёмюрге къалыр.
- Джылыгъа джылан илешир.
- Ёлюр джаннга, ёкюл джокъ.
- Мал тутхан – май джалар.
- Байдан умут эте, джарлыдан ёгюз багъасы къорады.
- Уллу сёлешме да, уллу къаб.
- Чомартха хар кюн да байрамды.
- Рысхы – насыбха къор.
- Мураты болгъанны джюрек тебюую башхады.
- Айранын берсенг, челегин да къызгъанма.
- Элде адам къалмаса, ит тахтагъа минер.
- Ачылгъан эт джабылыр, кёрген кёз унутмаз.
- Сескекли кесин билдирир.
- Арпа, будай – ащды, алтын, кюмюш а – ташды.
- Бети – къучакълар, джюреги – бычакълар.
- Татлы тилде – сёз ариу, чемер къолда – иш ариу.
- Зар адам ашынгы ашар, кесинги сатар.
- Эм уллу байлыкъ – джан саулукъ.
- Намысы джокъну – дуниясы джокъ.
- Хаухну атма, ёнгкючню сатма.
- Тели турса – той бузар.
- Ёлюк кебинсиз къалмаз.
- Эски джаугъа ышанма.
- Ашыкъгъан cуу, тенгизге джетмез.
- Кёбге таш атма.
- Бюгюн дуния кибик, тамбла ахыратды.
- Адам сёзге тынгыла, акъыл сёзню ангыла.
- Зар адамны насыбы болмаз.
- Ашлыкъны арба юйге келтирир, чана базаргъа элтир.
- Намыс болмагъан джерде, насыб болмаз.
- От этилмеген джерден тютюн чыкъмайды.
- Азыкълы ат арымаз, къатыны аман джарымаз.
- Къарыусузгъа кюлме, онгсузгъа тийме.
- Джыгъылгъанны сырты джерден тоймаз.
- Экиндини кеч къылсанг, чабыб джетер ашхам.
- Ёлмесенг да, къарт дамы болмазса?
- Айтхан сёзюне табылгъан.
- Айтханы чапыракъдан ётмеген.
- Орну джокъну – сыйы джокъ.
- Таш бла ургъанны, аш бла ур.
- Айырылгъанланы айю ашар, бёлюннгенлени бёрю ашар.
- Акъыл аздырмаз, билим тоздурмаз.
- Къарнынг къанлынга кийирир.
Профиль
|
|
|
|||