- Окъумагъан сокъурду, сокъур ташха абыныр!
- Ишленмеклик адамлыкъды.
- Мал ёлсе, сюек къалыр, адам ёлсе, иши къалыр.
- Къошда джокъгъа – юлюш джокъ.
- Арпа, будай – ащды, алтын, кюмюш а – ташды.
- Сибиртки да сыйлы болду, кюрек да кюнлю болду.
- Босагъа таш юйге кирмей эди, тыбыр таш эшикге чыкъмай эди.
- Хансыз джомакъ болмаз.
- Кёб къычыргъандан – къоркъма, тынч олтургъандан – къоркъ.
- Къарны аманнга къазан такъдырма, къолу аманнга от джакъдырма.
- Чомарт джарлы болмаз.
- Дууулдаса – бал чибин, къонса – къара чибин.
- Тёрдеги кюлсе, эшикдеги ышарыр.
- Арба аугъандан сора, джол кёргюзтюучю кёб болур.
- Арыгъан къош чамчы болур.
- Кёзден кетген, кёлден да кетеди.
- Къарт болгъан джерде, берекет болур, сабий болгъан джерде, оюн болур.
- Билимли ёлмез, билимсиз кёрмез.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Тешик этген тынчды, аны джамагъан къыйынды.
- Ёнгкюч къууана барыр, джылай келир.
- Кимни – тили, тиши онглу, кимни – къолу, иши онглу.
- Сабий болмагъан джерде, мёлек болмаз.
- Акъыл сабырлыкъ берир.
- Бетинги сатма, малынгы сат.
- Чакъырылмагъан джерге барма, чакъырылгъан джерден къалма.
- Джарашыу сюйген – джалынчакъ.
- Айран ичген – къутулду, джугъусун джалагъан – тутулду.
- Ач бёрюге мекям джокъ.
- Тюзню ётмеги тюзде къалса да, тас болмаз.
- Байлыкъ адамны сокъур этер.
- Окъуу – билимни ачхычы, окъуу – дунияны бачхычы.
- Дженгил джетерикме деб, узун джолну къоюб, къысхасын барма.
- Ариу сёз – къылычдан джити.
- Чомартха хар кюн да байрамды.
- Суугъа – таянма, джаугъа – ийнанма.
- Абынмазлыкъ аякъ джокъ, джангылмазлыкъ джаякъ джокъ.
- Тенгни тенглиги джашай барсанг билинир.
- Тил бла келеди джыр да.
- Миллетни бойну – базыкъ, аны бла кюрешген – джазыкъ.
- Джолда аягъынга сакъ бол, ушакъда тилинге сакъ бол.
- Элге къуллукъ этмеген, элге ие болмаз.
- Намыс сатылыб алынмайды.
- Джашны джигитлиги сорулур, къызны джигерлиги сорулур.
- Джюрекден джюрекге джол барды.
- Джетген къыз джерли эшекни танымаз.
- Сабийликде юретмесенг, уллу болса – тюзелмез.
- Эллинг бла джау болсанг да, юйюнг бла джау болма.
- Ариу – кёзге, акъыл – джюрекге.
- Адеби болмагъан къыз – тузсуз хант.
Профиль
|
|
|
|||