- Адамны артындан къара сабан сюрме.
- Сёз – кюмюш, джыр – алтын.
- Суугъа – чабакъ, къаягъа – ыргъакъ.
- Къайгъы тюбю – тенгиз.
- Босагъа таш юйге кирмей эди, тыбыр таш эшикге чыкъмай эди.
- Къолу уллу – асыу, аягъы уллу – джарсыу.
- Бермеген къол, алмайды.
- Кёзню ачылгъаны – иги, ауузну джабылгъаны – иги.
- Джолунга кёре – джюрюшюнг, джагъанга кёре – юлюшюнг.
- Къыйынлы джети элге оноу этер.
- Булут кёкге джарашыу, уят бетге джарашыу.
- Джаханимни кёрмей, джандетге кёл салмазса.
- Къанны къан бла джуума, аманны аман бла къуума.
- Къуру гыбыт бек дыгъырдар.
- Минг тенг да азды, бир джау да кёбдю.
- Ана къолу ачытмаз.
- Ана кёлю – балада, бала кёлю – талада.
- Мухар, кеси тойса да, кёзю тоймаз.
- Тюз сёз баргъан сууну тыяр.
- Ашына кёре табагъы, балына кёре къалагъы.
- Тюзлюк шохлукъну бегитир.
- Къыз тиширыу кеси юйюнде да къонакъды.
- Киштикге къанат битсе, чыпчыкъ къалмаз эди.
- Иесиз малны бёрю ашар.
- Сёз сёзню айтдырыр.
- Эринчекни аурууу – кёб.
- Чакъырылмагъан джерге барма, чакъырылгъан джерден къалма.
- Баш – акъыл ючюн, акъылман – халкъ ючюн.
- Ёмюрлюк шохлукъну джел элтмез.
- Айыбны суу бла джууалмазса.
- Бети – къучакълар, джюреги – бычакълар.
- Кёлсюзден сёзсюз тууар.
- Къазанда болса, чолпугъа чыгъар.
- Эл ауузу – элия.
- Хатерли къул болур.
- Тёрени джагъы джокъ.
- Тынгылагъан тынгы бузар.
- Чыбыкълыкъда бюгюлмеген, къазыкълыкъда бюгюлмей эди.
- Джангызны оту джарыкъ джанмаз!
- Аякъларынгы джууургъанынга кёре узат.
- Ишлегенде эринме, ишде чолакъ кёрюнме.
- От кюйдюрген, сау болса да, тот кюйдюрген, сау болмаз.
- Биреуге аманлыкъны тилеме да, кесинге ашхылыкъны тиле.
- Ариу сёз – джаннга азыкъ, аман сёз – башха къазыкъ.
- Ишге юренсин къоллары, халкъ бла болсун джоллары.
- Ашхы болсанг, атынг чыгъар, аман болсанг, джанынг чыгъар.
- Нёгер болсанг, тенг бол, тенг болмасанг, кенг бол.
- Экеу тутушса, биреу джыгъылыр.
- Бети бедерден, намыс сакълама.
- Кёб къычыргъандан – къоркъма, тынч олтургъандан – къоркъ.
Профиль
|
|
|||