- Бек ашыкъгъан меннге джетсин, дегенди аракъы.
- Къонакъ аз олтурур, кёб сынар.
- Адам боллукъ, атламындан белгили болур.
- Сютню башын джалагъан къутулур, тюбюн ичген тутулур.
- Тюзлюк шохлукъну бегитир.
- Юй кюйдю да, кюйюз чыкъды, ортасындан тюйюш чыкъды.
- Намысы болмагъанны, сыйы болмаз.
- Ашлыкъ – бюртюкден, джюн – тюкден.
- Джауумдан сора, кюн кюйдюрюр, ётюрюкден сора, айыб кюйдюрюр.
- Хар адамгъа кеси миннген тау кибик.
- Баланы адам этген анады.
- Тюкюрюк баш джармаз, налат кёз чыгъармаз!
- Ашхы болсанг, атынг чыгъар, аман болсанг, джанынг чыгъар.
- Аш берме да, къаш бер.
- Берекет берсин деген джерде, берекет болур.
- Джюрекге ариу – кёзге да ариу.
- Джыгъылгъанны сырты джерден тоймаз.
- Чомартны къолу берекет.
- Керек ташны ауурлугъу джокъ.
- Адам къаллай бир ишленмесе, аллай бир кесин уллу кёреди.
- Чакъырылмагъан къонакъ къачан кетерин сормаз.
- Сёз садакъдан кючлюдю.
- Элде адам къалмаса, ит тахтагъа минер.
- Эр сокъур болсун, къатын тилсиз болсун.
- Тенгни тенглиги джашай барсанг билинир.
- Келинни – келгинчи, бёркню кийгинчи кёр.
- Бал – татлы, балдан да бала – татлы.
- Мал тутхан – май джалар.
- Кёкдеги болмаса, джердегин кёрмейди.
- Къарт айтханны этмеген, къартаймаз.
- Адамны сыфатына къарама, сёзюне къара.
- Бойнуму джети джерден кессенг да, мен ол ишни этеллик тюлме.
- Ауругъаннга – кийик саулукъ, джетген къызгъа – чилле джаулукъ.
- Окъумагъан сокъурду, сокъур ташха абыныр!
- Кесинге джетмегенни, кёб сёлешме.
- Уясында не кёрсе, учханында аны этер.
- Ханы къызы буюгъа-буюгъа киштик болду.
- Иесиз малны бёрю ашар.
- Агъач – джерни чырайы, кийим – эрни чырайы.
- Сабийликде юретмесенг, уллу болса – тюзелмез.
- Аз сёлеш, кёб ишле.
- Биреуге кёлтюрген таягъынг, кесинги башынга урур.
- Дуния мал дунияда къалады.
- Эки къатын алгъан – эки ташны ортасына башын салгъан.
- Татлы сёз – балдан татлы.
- Айранын берсенг, челегин да къызгъанма.
- Бал ашаргъа сюе эсенг, чибин ургъаннга тёз.
- Къулакъдан эсе, кёзге ышан.
- Кёзюнде тереги болгъан, чёбю болгъаннга кюле эди.
- Билимден уллу байлыкъ джокъду.
Профиль
|
Харунчик
 Эльбрусоид
Cообщений: 6
Баллов: 3
Регистрация: 02.01.2014
Последний визит: 03.06.2014 05:54:22
|
|
||||||
|
|
|
||||||