- Чабакъсыз кёлге къармакъ салгъанлыкъгъа, чабакъ тутмазса.
- Нафысынгы айтханын этме, намысынгы айтханын эт.
- Билим насыб берир, билим джолну керир.
- Сууда джау джокъ, кёб сёзде магъана джокъ.
- Окъдан джара эртде-кеч болса да бителир, сёз джара, ёмюрге къалыр.
- Хунаны тюбюн къазсанг, юсюнге ауар.
- Джангыз терек къынгыр ёсер.
- От кюйдюрген, сау болса да, тот кюйдюрген, сау болмаз.
- Болджал ишни бёрю ашар.
- Джашны джигитлиги сорулур, къызны джигерлиги сорулур.
- Келинин тута билмеген, къул этер, къызын тута билмеген, тул этер.
- Чакъырылмагъан джерге барма, чакъырылгъан джерден къалма.
- Ашатыргъа иш – ашхы, ишлетирге аш – ашхы.
- Тюзлюк шохлукъну бегитир.
- Таула не мийик болсала да, аууш табылыр.
- Гырджын – тепсини тамадасы.
- Джарлыны тону джаз битер.
- Ётюрюкню къуйругъу – бир тутум.
- Аш берме да, къаш бер.
- Чоюнну башы ачыкъ болса, итге уят керекди.
- Тойгъан джерге джети къайт.
- Къартха ушагъан джаш – акъыллы, джашха ушагъан къарт – тели.
- Къыз тиширыу кеси юйюнде да къонакъды.
- Кюн кёрмеген, кюн кёрсе, кюндюз чыракъ джандырыр.
- Арбаз сайлама да, хоншу сайла.
- Адамны сыфатына къарама, сёзюне къара.
- Тойчу джашха къарама, къойчу джашха къара.
- Кёз – сюйген джерде, къол – ауругъан джерде.
- Акъыллы башны – тили къысха.
- Терслик кетер, тюзлюк джетер.
- Тёрдеги кюлсе, эшикдеги ышарыр.
- Ханы къызы буюгъа-буюгъа киштик болду.
- Тойгъа алгъа да барма, тойда артха да къалма.
- Биреу ашаб къутулур, биреу джалаб тутулур.
- Тюз сёз баргъан сууну тыяр.
- Ачылгъан эт джабылыр, кёрген кёз унутмаз.
- Акъылсызны джууукъгъа алма, акъыллыны кенгнге салма.
- Терек ауса, отунчу – кёб.
- Къарнынг ауруса, ауузунгу тый
- Аш кетер да бет къалыр.
- Телиге акъыл салгъандан эсе, ёлгеннге джан салырса.
- Джигер – джаннга къыйынлыкъ.
- Адам сёзге тынгыла, акъыл сёзню ангыла.
- Къатын къылыкъсыз, эр тынчлыкъсыз.
- Эте билген, этген этеди, эте билмеген, юретген этеди!
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Экиндини кеч къылсанг, чабыб джетер ашхам.
- Ашаса, ашамаса да, бёрюню ауузу – къан.
- Джолда аягъынга сакъ бол, ушакъда тилинге сакъ бол.
- Къулакъдан эсе, кёзге ышан.
Профиль
|
|
|||