- Бойнуму джети джерден кессенг да, мен ол ишни этеллик тюлме.
- Иги бла джюрюсенг, джетерсе муратынга, аман бла джюрюсенг, къалырса уятха.
- Эки итни арасына сюек атма, эки адамны арасында сёз чыгъарма.
- Ёксюзню къалачы уллу кёрюнюр.
- Ашына кёре табагъы, балына кёре къалагъы.
- Адебсиз адам – джюгенсиз ат.
- Эл бла кёргенинг эрелей.
- Сууда джау джокъ, кёб сёзде магъана джокъ.
- Керти сёзге тёре джокъ.
- Акъыллы – эл иеси, тели – эл баласы.
- Башсыз урчукъ тюзюне айланмаз.
- Айтылгъан сёз ызына къайтмаз.
- Эри аманны, къатыны – аман.
- Юре билмеген ит, къонакъ келтирир.
- Айырылгъанланы айю ашар, бёлюннгенлени бёрю ашар.
- Тойгъанлыкъ къойгъа джарашады.
- Кюн – узун, ёмюр – къысха.
- Ёлюр джаннга, ёкюл джокъ.
- Джарлыны эшигин махтагъан джабар.
- Уллу суу бла уллу ауруудан башынгы сакъла.
- Кёб джат да, бек чаб.
- Ата Джуртча джер болмаз, туугъан элча эл болмаз.
- Айтханы чапыракъдан ётмеген.
- Чакъырылмай келген къонакъ сыйланмай кетер.
- Аманны эки битли тону болур, бирин сеннге кийдирир, бирин кеси киер.
- Ичимден чыкъды хата, къайры барайым сата?
- Адамны артындан къара сабан сюрме.
- Аман къатын алгъан, арыр, иги къатын алгъан джарыр.
- Джогъун бар этген, барын бал этген.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Бастасын ашагъан, хантусун да ичер.
- Кёзю сокъурдан – къоркъма, кёлю сокъурдан – къоркъ.
- Аллахха ийнаннган кишини, Аллах онгдурур ишин.
- Джашны джигитлиги сорулур, къызны джигерлиги сорулур.
- Тюзлюк шохлукъну бегитир.
- Бек анасы джыламаз.
- Окъумагъан сокъурду, сокъур ташха абыныр!
- Арбаз сайлама да, хоншу сайла.
- Сескекли кесин билдирир.
- От кюйдюрген, сау болса да, тот кюйдюрген, сау болмаз.
- Шайтан алдады, тюзлюк къаргъады.
- Джюрекге ариу – кёзге да ариу.
- Тюз сёз баргъан сууну тыяр.
- Билмегенинги, билгеннге сор.
- Чабакъ башындан чирийди.
- Ач да бол, токъ да бол – намысынга бек бол.
- Тёрени джагъы джокъ.
- Аманнга алтын чыдамаз.
- Ауругъан – джашаудан умутчу.
- Кесинг сынамагъан затны, адамгъа буюрма.
Профиль
|
|
|
|||