- Ишленмеген джаш – джюгенсиз ат, ишленмеген къыз – тузсуз хант.
- Иги – алгъыш этер, аман – къаргъыш этер.
- Къызгъанчдан ычхыныр, мухардан ычхынмаз.
- Тик ёргени, тик энгишгеси да болады.
- Ариу джол аджал келтирмез.
- Кийимни бир кюнню аясанг, минг кюннге джарар.
- Эртде тургъан джылкъычыны эркек аты тай табар.
- Шекер бла туз – бир болмаз, ушамагъан – юй болмаз.
- Тили узунну, намысы – къысха.
- Келгинчи, къонакъ уялыр, келгенден сора, къонакъбай уялыр.
- Ачыу алгъа келсе, акъыл артха къалады.
- Къыз келсе, джумуш эте келеди, къатын келсе, ушакъ эте келеди.
- Тамырсыз терекге таянма – джыгъылырса.
- Сёз садакъдан кючлюдю.
- Кёлсюзден сёзсюз тууар.
- Адам боллукъ, атламындан белгили болур.
- Терслик кетер, тюзлюк джетер.
- Ишлегенде эринме, ишде чолакъ кёрюнме.
- Билимден уллу байлыкъ джокъду.
- Ат басханны джер билед.
- Халкъны джырын джырласанг, халкъ санга эжиу этер.
- Ашаса, ашамаса да, бёрюню ауузу – къан.
- Эр сокъур болсун, къатын тилсиз болсун.
- Къонагъы джокъну – шоху джокъ.
- Джарлы тюеге минсе да, ит къабар.
- Къонакъ аз олтурур, кёб сынар.
- Окъуусуз билим – джокъ, билимсиз кюнюнг – джокъ.
- Ата Джуртча джер болмаз, туугъан элча эл болмаз.
- Билмегенинги, билгеннге сор.
- Къыйынлы джети элге оноу этер.
- Джыланны къуйругъундан басарынг келсе, аны башы болгъанын унутма.
- Иги сёз – джаннга азыкъ, аман сёз башха – къазыкъ.
- Керилген да, ургъан кибикди.
- Уллу сёлешме да, уллу къаб.
- Айраннга суу къош, телиге джол бош.
- Джюрекге ариу – кёзге да ариу.
- Ач отунчуну ачыуу – бурнунда.
- Къар – келтирди, суу – элтди.
- Гыдай эчки суугъа къараб, мюйюзле кёрмесе, джашма алкъын, дегенди.
- Адамны сабийин сюйген джюреги, бычакъча, джитиди.
- Бойнуму джети джерден кессенг да, мен ол ишни этеллик тюлме.
- Ёлген аслан – сау чычхан.
- Мухардан ач ычхынмаз.
- Джуртун къоругъан озар.
- Мал тутхан – май джалар.
- Джангызны оту джарыкъ джанмаз!
- Къарт болгъан джерде, берекет болур, сабий болгъан джерде, оюн болур.
- Аджашханны ызындагъы кёреди, джангылгъанны джанындагъы биледи.
- Акъылсызны джууукъгъа алма, акъыллыны кенгнге салма.
- Эте билген, этген этеди, эте билмеген, юретген этеди!
Профиль
|
|
|||