- Чакъырылмагъан къонакъ – орунсуз.
- Айтылгъан буйрукъ, сёгюлмез
- Тилчи тилден къаныкъмаз.
- Юйюнгден чыкъдынг – кюнюнгден чыкъдынг.
- Къарын къуру болса, джюрек уру болур.
- Кёлсюзден сёзсюз тууар.
- Келлик заман – къартлыкъ келтирир, кетген заман – джашлыкъ ёлтюрюр.
- Болджал ишни бёрю ашар.
- Итли къонакъ джарашмаз.
- Джан саулукъ бермей, сан саулукъ бермезсе.
- Телиге от эт десенг, юйюнге от салыр.
- Кюл тюбюндеги от кёрюнмейди.
- Кёлю джокъну – джолу джокъ.
- Юйюнг бла джау болгъандан эсе, элинг бла джау бол.
- Тойчу джашха къарама, къойчу джашха къара.
- Тойгъандан сора, ашны сёкме.
- Ишлерге уял да, ашаргъа табма.
- Ёзденликни кёбю ётюрюк.
- Джаным-тиним – окъуу, билим.
- Баш болса, бёрк табылыр.
- Чакъырылмагъан къонакъ тёрге атламаз.
- Джуртун къоругъан озар.
- Гыдай эчки суугъа къараб, мюйюзле кёрмесе, джашма алкъын, дегенди.
- Тилчи бир сагъатха айлыкъ хата этер.
- Ата Джуртча джер болмаз, туугъан элча эл болмаз.
- Суу да къайтады чыкъгъан джерине.
- Эр абынмай, эл танымаз.
- Къолу уллу – асыу, аягъы уллу – джарсыу.
- Тилсиз миллет джокъ болур.
- Кёб ант этген, кёб ётюрюк айтыр.
- Къошда джокъгъа – юлюш джокъ.
- Аманны эки битли тону болур, бирин сеннге кийдирир, бирин кеси киер.
- Элге къуллукъ этмеген, элге ие болмаз.
- Биреуге аманлыкъ этиб, кесинге игилик табмазса.
- Къазанда болса, чолпугъа чыгъар.
- Адамны джюреги нени кёрюрге сюйсе, кёзю да аны кёрюрге ёч болады.
- Кенгеш болса, уруш болмаз.
- Тау башында, тау болмаз, джангыз терек, бау болмаз.
- Булут кёкге джарашыу, уят бетге джарашыу.
- Керек ташны ауурлугъу джокъ.
- Окъугъанны бети джарыкъ.
- Мени джылытмагъан кюн, меннге тиймесин!
- Джарлыны тону джаз битер.
- Бёрю да ач къалмасын, эчки да ашалмасын.
- Адамны бетине къарама, адетине къара.
- Уллу суу бла уллу ауруудан башынгы сакъла.
- Къонагъынгы артмагъын алма да, алгъышын ал.
- Кесине гебен этелмеген, биреуге черен эте эди.
- Кесине оноу эте билмеген, халкъына да эте билмез.
- Тёзген – тёш ашар!
Профиль
|
|
|
|||