- Таукел къуру къалмаз.
- Къарнынг ауруса, ауузунгу тый
- Аманны тукъумуна къарама, игини тукъумун сорма.
- Джигер – джаннга къыйынлыкъ.
- Мал кёб болса, джууукъ кёб болур.
- Эри аманны, къатыны – аман.
- Рысхы джалгъанды: келген да этер, кетген да этер.
- Ишлерге уял да, ашаргъа табма.
- Чомартха хар кюн да байрамды.
- Таукел тауну аудурур.
- Ишни ахырын ойламай, аллын башлама.
- Адеб базарда сатылмаз.
- Аш берме да, къаш бер.
- Тау башында, тау болмаз, джангыз терек, бау болмаз.
- Акъыллы – эл иеси, тели – эл баласы.
- Бек анасы джыламаз.
- Джыйырма къойну юч джыйырма эбзе кюте эди.
- Хунаны тюбюн къазсанг, юсюнге ауар.
- Къралынгы – душмандан, башынгы от бла суудан сакъла.
- Джашлыкъ этмеген, башлыкъ этмез.
- Билмезни кёзю кёрмез, этмезни къулагъы эшитмез.
- Нарт сёз – тилни бети.
- Сабийни джумушха джибер да, ызындан бар.
- Аууздан келген, къолдан келсе, ким да патчах болур эди.
- Булут кёкге джарашыу, уят бетге джарашыу.
- Сакъ юйюне сау барыр.
- Олтуруб кёрюнмей эди да, ёрге туруб кёрюне эди.
- Экеулен сёлеше тура эселе, орталарына барыб кирме.
- Адам къаллай бир ишленмесе, аллай бир кесин уллу кёреди.
- Ётюрюкден тюбю джокъ, кёлтюрюрге джиби джокъ.
- Джаш къарыу бла кючлю, къарт акъыл бла кючлю.
- Ашхы атаны – джашы ашхы, ашхы ананы – къызы ашхы.
- Ариу – кёзге, акъыл – джюрекге.
- Билим ат болуб да чабар, къуш болуб да учар.
- Хата – гитчеден.
- Бал чибинни ургъаны – ачы, балы – татлы.
- Накъырда – кертини келечиси.
- Хансыз джомакъ болмаз.
- Ариу сёзде ауруу джокъ.
- Джолунга кёре – джюрюшюнг, джагъанга кёре – юлюшюнг.
- Аман къатын алгъан, арыр, иги къатын алгъан джарыр.
- Ёнгкюч къууана барыр, джылай келир.
- Ата Джуртуму башы болмасам да, босагъасында ташы болайым.
- Ашыкъгъан cуу, тенгизге джетмез.
- Мадар болса, къадар болур.
- Чомартха Тейри да борчлуду.
- Урунуу – насыбны анасы.
- Гугук кесини атын айтыб къычыргъанча, мен, мен деб нек тураса?
- Байдан умут эте, джарлыдан ёгюз багъасы къорады.
- Байлыкъ болгъан джерде, тынчлыкъ джокъду.
Профиль
|
|
|||