- Ойнаб айтсанг да, эслеб айт.
- Тешигини къатында, чычхан да батыр болур.
- Къазанны башы ачыкъ болса, итге уят керекди.
- Джаралыны джастыгъында сау ёлюр.
- Окъугъан озар, окъумагъан тозар.
- Джаш къарыу бла кючлю, къарт акъыл бла кючлю.
- Тай асырагъан, атха минер.
- Адам къаллай бир ишленмесе, аллай бир кесин уллу кёреди.
- Джерни букъусу кёкге къонмаз.
- Баш болса, бёрк табылыр.
- Къолу уллу – асыу, аягъы уллу – джарсыу.
- Биреуге аманлыкъны тилеме да, кесинге ашхылыкъны тиле.
- Чакъырылмагъан къонакъ къачан кетерин сормаз.
- Ханнга да келеди хариблик.
- Джаз бир кюнню джатсанг, къыш талай кюнню абынырса.
- Адеб базарда сатылмаз.
- Эрине къаргъыш этген къатын, эрнин къабар.
- Келинин тута билмеген, къул этер, къызын тута билмеген, тул этер.
- «Ёгюз, джаргъа джууукъ барма, меннге джюк боллукъса», - дегенди эшек.
- Ишин билген, аны сыйын чыгъарады.
- Тин – байлыгъынг, терен саулугъунг.
- Къартны бурнун сюрт да, оноугъа тут.
- Къозулугъунда тоймагъан, къойлугъунда тоймаз.
- Дуния аламаты сен эсенг да, игиме деб айтма.
- Кесине гебен этелмеген, биреуге черен эте эди.
- Эм ашхы къайын ана мамукъ бла башынгы тешер.
- Кюн кёрмеген, кюн кёрсе, кюндюз чыракъ джандырыр.
- Бал ашаргъа сюе эсенг, чибин ургъаннга тёз.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Аманнга да, игиге да оноусуз къатышма.
- Къызгъанчдан ычхыныр, мухардан ычхынмаз.
- Ёлген аслан – сау чычхан.
- Мал ёлсе, сюек къалыр, адам ёлсе, иши къалыр.
- Къобан да къуру да къобханлай турмайды, адам да къуру да патчахлай турмайды.
- Аз айтсам, кёб ангылагъыз.
- Дуния малгъа сатылма, кесингден телиге къатылма.
- Бет бетге къараса, бет да джерге къарар.
- Хар ишни да аллы къыйынды.
- Таугъа чыгъаллыкъ эсенг, тюзде къалма.
- Ашхы атаны – джашы ашхы, ашхы ананы – къызы ашхы.
- Ат да турмайды бир териде.
- Джигер – джаннга къыйынлыкъ.
- Кечеси – аяз, кюню – къыш, джарлы къаргъагъа бир аш тюш!
- Джогъун бар этген, барын бал этген.
- Аджалсыз ёлюм болмаз.
- Магъанасыз сёз – тауушсуз сыбызгъы.
- Эркиши – от, тиширыу – суу.
- Уллу айтханны этмеген – уллаймаз.
- Зарда марда джокъ.
- Накъырда – кертини келечиси.
Профиль
|
|
|||