- Тай асырагъан, атха минер.
- Ёлген ийнек сютлю болур.
- Иги адам абынса да, джангылмаз.
- Эки ойлашыб, бир сёлешген.
- Къарнынг бла ёч алма.
- Ачлыкъда тары гырджын халыуадан татлы.
- Ишни аллы бла къууанма да, арты бла къууан.
- Тил – миллетни джаны.
- Кюн – узун, ёмюр – къысха.
- Сакъалы текени да бар, мыйыгъы киштикни да бар.
- Орундукъ тюбюнде атылсам да, орта джиликме, де да айлан.
- Тилсиз миллет джокъ болур.
- Тойгъа барсанг, тоюб бар, эски тонунгу къоюб бар.
- Уллу айтханны этмеген – уллаймаз.
- Ханы къызы буюгъа-буюгъа киштик болду.
- Сабыр джетер муратха, сабырсыз къалыр уятха.
- Ата – баланы уясы.
- Асхат ашлыкъ сата, юйдегиси ачдан къата.
- Ётюрюкню башын керти кесер.
- Босагъа таш юйге кирмей эди, тыбыр таш эшикге чыкъмай эди.
- Шапа кёб болса, аш татымсыз болур.
- Атлыны ашхысы, ат тизгининден билинир
- Телиге от эт десенг, юйюнге от салыр.
- Нафысынгы айтханын этме, намысынгы айтханын эт.
- Адамны джюреги нени кёрюрге сюйсе, кёзю да аны кёрюрге ёч болады.
- Рысхысына кёре, джаш ёсер, къышлыгъына кёре, мал ёсер.
- Сютден ауузу кюйген, суугъа юфгюре эди.
- Байлыкъ адамны сокъур этер.
- Алтыда кюлмеген, алтмышда кюлмез.
- Элге къуллукъ этмеген, элге ие болмаз.
- Кёлсюзден сёзсюз тууар.
- Кёкдеги болмаса, джердегин кёрмейди.
- Ариу сёз аурууунгу алыр.
- Берекет берсин деген джерде, берекет болур.
- Аман хансны – урлугъу кёб.
- Элде адам къалмаса, ит тахтагъа минер.
- Ашын ашагъанынгы, башын да сыйла.
- Таукел тауну аудурур.
- Чакъырылмагъан къонакъ къачан кетерин сормаз.
- Къазанчы аман болса, къазаны къайнамаз.
- Тау башында, тау болмаз, джангыз терек, бау болмаз.
- Джыланны къуйругъундан басарынг келсе, аны башы болгъанын унутма.
- Эки итни арасына сюек атма, эки адамны арасында сёз чыгъарма.
- Гыдай эчки суугъа къараб, мюйюзле кёрмесе, джашма алкъын, дегенди.
- Киштикге къанат битсе, чыпчыкъ къалмаз эди.
- Накъырда – кертини келечиси.
- Ачыкъ джюрекге джол – ачыкъ.
- Кёзюнде тереги болгъан, чёбю болгъаннга кюле эди.
- Айныгъанлы алты кюн, тогъайгъанлы тогъуз кюн.
- Юйюнгден чыкъдынг – кюнюнгден чыкъдынг.
Профиль
|
|
|||