- Кюн кёрмеген, кюн кёрсе, кюндюз чыракъ джандырыр.
- Сескекли кесин билдирир.
- Эм ашхы къайын ана мамукъ бла башынгы тешер.
- Къыйынлы джети элни къайгъысын этер.
- Тюзню ётмеги тюзде къалса да, тас болмаз.
- Гугук кесини атын айтыб къычыргъанча, мен, мен деб нек тураса?
- Ашха уста, юйюнде болсун
- Тойну къарнашы – харс, джырны къарнашы – эжиу.
- Аз сёлешген, къайгъысыз турур.
- Сагъышы джокъ – джукъучу, акъылы джокъ – къаугъачы.
- Ёнгкюч къууана барыр, джылай келир.
- Намыс сатылыб алынмайды.
- Бойнуму джети джерден кессенг да, мен ол ишни этеллик тюлме.
- Байлыкъ болгъан джерде, тынчлыкъ джокъду.
- Чабар ат – джетген къыз.
- Джылыгъа джылан илешир.
- Къарнынг тойгъунчу аша да, белинг талгъынчы ишле.
- Къонакъ кёб келюучю юйню, къазаны отдан тюшмез.
- Тил – кесген бычакъ, сёз – атылгъан окъ.
- Этим кетсе да, сюегим къалыр.
- Билим ат болуб да чабар, къуш болуб да учар.
- Аурууну келиую тынч, кетиую – къыйын.
- Суу да къайтады чыкъгъан джерине.
- Эки къатын алгъанны къулагъы тынгнгаймаз.
- Уллу сёзде уят джокъ.
- Халкъны джырын джырласанг, халкъ санга эжиу этер.
- Кесинг сынамагъан затны, адамгъа буюрма.
- Къызбайны юйюне дери сюрсенг, батыр болур.
- Джыйырма къойну юч джыйырма эбзе кюте эди.
- Аманны къуугъан, аманлыкъ табар.
- Окъуу – билимни ачхычы, окъуу – дунияны бачхычы.
- Алтыда кюлмеген, алтмышда кюлмез.
- Дууулдаса – бал чибин, къонса – къара чибин.
- Айраннга суу къош, телиге джол бош.
- Джерни букъусу кёкге къонмаз.
- Къумурсхала джыйылсала, пилни да джыгъадыла.
- Ёксюзню тилеги къабыл болур.
- Ариу сёз джыланны орнундан чыгъарыр.
- Хата – гитчеден.
- Насыб бютеу халкъны юлюшюдю.
- Къызны минг тилер, бир алыр.
- Джюрек кёзден алгъа кёрюр.
- Окъумагъан сокъурду, сокъур ташха абыныр!
- Махтаннган къыз, тойда джукълар.
- Накъырданы арты керти болур.
- Адам къаллай бир ишленмесе, аллай бир кесин уллу кёреди.
- Айтхан – тынч, этген – къыйын.
- Билим насыб берир, билим джолну керир.
- Насыблы элин сюер, насыбсыз кесин сюер.
- Айтхан сёзюне табылгъан.
Профиль
|
|
|||