- Кёзден кетген, кёлден да кетеди.
- Эски джаугъа ышанма.
- Ашхылыкъ джерде джатмайды, аманлыкъ суугъа батмайды.
- Ёлген ийнек сютлю болур.
- Тюз сёз баргъан сууну тыяр.
- Ишлерге уял да, ашаргъа табма.
- Джашлыкъ этмеген, башлыкъ этмез.
- Элге къуллукъ этмеген, элге ие болмаз.
- Ач келгенни – тойдур, кеч келгенни – къондур.
- Чомартны къолун джокълукъ байлар.
- Ач къарным, тынч къулагъым.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Акъыл сабырлыкъ берир.
- Азыкъ аз болса, эртде орун сал.
- Адебни адебсизден юрен.
- Джюрек кёзден алгъа кёрюр.
- Керилген да, ургъан кибикди.
- Бастасын ашагъан, хантусун да ичер.
- Биреу къой излей, биреу той излей.
- Ачылгъан эт джабылыр, кёрген кёз унутмаз.
- Этни да ашады, бетни да ашады.
- Шайтан алдады, тюзлюк къаргъады.
- Хантына кёре тузу, юйюне кёре къызы.
- Къарт айтханны этмеген, къартаймаз.
- Кюлме джашха – келир башха.
- Ёксюзню къалачы уллу кёрюнюр.
- Окъ къызбайны джокълайды.
- Киштикге къанат битсе, чыпчыкъ къалмаз эди.
- Джюрекден джюрекге джол барды.
- Къолунгдан къуймакъ ашатсанг да, атаны борчундан къутулмазса.
- Миллетни бойну – базыкъ, аны бла кюрешген – джазыкъ.
- Кийимни бир кюнню аясанг, минг кюннге джарар.
- Аллахдан тилесенг, кёб тиле.
- Къатын къылыкъсыз, эр тынчлыкъсыз.
- Юйлю уругъа ит чабмаз.
- Аш берме да, къаш бер.
- Байма, деб да, къууанма, джарлыма, деб да, джылама.
- Аман хансны – урлугъу кёб.
- Биреуге кёлтюрген таягъынг, кесинги башынга урур.
- Тил – кесген бычакъ, сёз – атылгъан окъ.
- Эки къатын алгъан – эки ташны ортасына башын салгъан.
- Къалгъан ишге къар джауар.
- Акъыллы – эл иеси, тели – эл баласы.
- Сёз сёзню айтдырыр.
- Башда акъыл болмаса, эки аякъгъа кюч джетер.
- Ургъан суудан башынгы сакъла.
- Бек анасы джыламаз.
- Къыз келсе, джумуш эте келеди, къатын келсе, ушакъ эте келеди.
- Адамны джюреги нени кёрюрге сюйсе, кёзю да аны кёрюрге ёч болады.
- Тели турса – той бузар.
Профиль
|
|
|||