- Джарашыу сюйген – джалынчакъ.
- Кесине оноу эте билмеген, халкъына да эте билмез.
- Тёзгеннге, джабылгъан эшик ачылыр.
- Ётюрюкню башын керти кесер.
- Джаханимни кёрмей, джандетге кёл салмазса.
- Рысхы – насыбха къор.
- Накъырда – кертини келечиси.
- Биреуге кёлтюрген таягъынг, кесинги башынга урур.
- Рысхысына кёре, джаш ёсер, къышлыгъына кёре, мал ёсер.
- Айырылмаз джууугъунга, унутмаз сёзню айтма.
- Этек чакъмакълары баш джаргъан, сёлешген сёзлери таш джаргъан.
- Сабий кёргенин унутмаз.
- Ачыу алгъа келсе, акъыл артха къалады.
- Чакъырылмагъан джерге барма, чакъырылгъан джерден къалма.
- Киштикге къанат битсе, чыпчыкъ къалмаз эди.
- Эм уллу байлыкъ – джан саулукъ.
- Ауругъан – джашаудан умутчу.
- Къонакъ болсанг, ийнакъ бол.
- Иги адам абынса да, джангылмаз.
- Тюзлюк шохлукъну бегитир.
- Ёксюзню къалачы уллу кёрюнюр.
- Джарлы джети элни сёзюн этер.
- Биреуге аманлыкъны тилеме да, кесинге ашхылыкъны тиле.
- Къумурсхала джыйылсала, пилни да джыгъадыла.
- Орну джокъну – сыйы джокъ.
- Бастасын ашагъан, хантусун да ичер.
- Экеу тутушса, биреу джыгъылыр.
- Къонакъ аман болса, къонакъбай джунчур
- Джюрек кёзден алгъа кёрюр.
- Урама да – ёледи, сатама да – келеди.
- Бети бедерден, намыс сакълама.
- Билген билмегенни юретген адетди.
- Акъыл сабырлыкъ берир.
- Кесине гебен этелмеген, биреуге черен эте эди.
- Сютню башын джалагъан къутулур, тюбюн ичген тутулур.
- Этни бети бла шорпасы.
- Юй ишлеген балта эшикде къалыр.
- Атынг аманнга чыкъгъандан эсе, джанынг тамагъынгдан чыкъсын.
- Акъыл неден да кючлюдю.
- Кёзюнде тереги болгъан, чёбю болгъаннга кюле эди.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Агъач – джерни чырайы, кийим – эрни чырайы.
- Бек ашыкъгъан меннге джетсин, дегенди аракъы.
- Къонакъ аз олтурур, кёб сынар.
- Арбаз сайлама да, хоншу сайла.
- Аз сёлешген, къайгъысыз турур.
- Ашда – бёрю, ишде – ёлю.
- Ата джурт – алтын бешик.
- Акъыллы – эл иеси, тели – эл баласы.
- Тойгъан джерге джети къайт.
Профиль
|
|
|||