- Сакъ юйюне сау барыр.
- Эринчекни аурууу – кёб.
- Адам къыйынлыгъын кёлтюрюр, зауукълугъун кёлтюрмез.
- Байдан умут эте, джарлыдан ёгюз багъасы къорады.
- Ётген ёмюр – акъгъан суу.
- Къатын къылыкъсыз, эр тынчлыкъсыз.
- Тешигини къатында, чычхан да батыр болур.
- Келлик заман – къартлыкъ келтирир, кетген заман – джашлыкъ ёлтюрюр.
- Хатерли къул болур.
- Кёб джат да, бек чаб.
- Бёрю да ач къалмасын, эчки да ашалмасын.
- Аякъларынгы джууургъанынга кёре узат.
- Билимли ёлмез, билимсиз кёрмез.
- Ишин билген, аны сыйын чыгъарады.
- Эркишини аманы тиширыуну джылатыр.
- Айтылгъан сёз ызына къайтмаз.
- Тойгъан антын унутур.
- Къарт бла баш аша, джаш бла аякъ аша.
- Джумушакъ терекни къурт ашар.
- Мураты болгъанны джюрек тебюую башхады.
- Ашына кёре табагъы, балына кёре къалагъы.
- Алим болгъандан эсе, адам болгъан къыйынды.
- Насыб бютеу халкъны юлюшюдю.
- Узун джолну барсанг, бюгюн келирсе, къысха джолну барсанг, тамбла келирсе.
- Айырылмаз джууугъунга, унутмаз сёзню айтма.
- Иги сеники эсе да, сюйген кесимикин этеме.
- Къобан да къуру да къобханлай турмайды, адам да къуру да патчахлай турмайды.
- Биреу къой излей, биреу той излей.
- Халкъны юйю – туугъан джери.
- Мухар, кеси тойса да, кёзю тоймаз.
- Къарнынг ауруса, ауузунгу тый
- Этни бети бла шорпасы.
- Агъач – джерни чырайы, кийим – эрни чырайы.
- Ачны эсинде – аш.
- Ёксюзню тилеги къабыл болур.
- Арбаз къынгырды да, ийнек сауалмайма.
- Джолда аягъынга сакъ бол, ушакъда тилинге сакъ бол.
- Нёгерсизни джолу узун.
- Эшекни не къадар тюйсенг да, ат болмаз.
- Бозаны арты дауур болур.
- Кесинге джетмегенни, кёб сёлешме.
- Бек ашыкъгъан меннге джетсин, дегенди аракъы.
- Ишге юренсин къоллары, халкъ бла болсун джоллары.
- Таукел адам тау тешер.
- Къоркъакъны кёзю экили кёрюр.
- Экеу тутушса, биреу джыгъылыр.
- Къыз келсе, джумуш эте келеди, къатын келсе, ушакъ эте келеди.
- Хансыз джомакъ болмаз.
- Сыфатында болмагъаны, суратында болмаз.
- Биреуню къыйынлыгъы бла кесинге джол ишлеме.
Профиль
|
|
|||