- Хоншуну тауугъу къаз кёрюнюр, келини къыз кёрюнюр.
- Арба аугъандан сора, джол кёргюзтюучю кёб болур.
- Къарын къуру болса, джюрек уру болур.
- Ишни аллы бла къууанма да, арты бла къууан.
- Аш хазыр болса, иш харам болур.
- Иги сеники эсе да, сюйген кесимикин этеме.
- Ашыкъгъанны этеги бутуна чырмалыр.
- Ариу сёзде ауруу джокъ.
- Атлыны ашхысы, ат тизгининден билинир
- Асхат ашлыкъ сата, юйдегиси ачдан къата.
- Тюзню ётмеги тюзде къалса да, тас болмаз.
- Элге къуллукъ этмеген, элге ие болмаз.
- Ариуну – ауруу кёб.
- Баш болса, бёрк табылыр.
- Таякъ этден ётер, тил сюекден ётер.
- Аджашханны ызындагъы кёреди, джангылгъанны джанындагъы биледи.
- Бет бетге къараса, бет да джерге къарар.
- Тойгъан джерге джети къайт.
- Хар ишни да аллы къыйынды.
- Уллу суу бла уллу ауруудан башынгы сакъла.
- Ишлегенде эринме, ишде чолакъ кёрюнме.
- Иги бла джюрюсенг, джетерсе муратынга, аман бла джюрюсенг, къалырса уятха.
- Игини сыйлагъан адетди.
- Джигер – джаннга къыйынлыкъ.
- Адебни адебсизден юрен.
- Къан бла кирген, джан бла чыгъар.
- Адебсиз адам – джюгенсиз ат.
- Ёзденликни джайгъан – джокълукъ.
- Ашда уялгъан – мухар, ишде уялгъан – хомух.
- Тилчи бир сагъатха айлыкъ хата этер.
- Бети – къучакълар, джюреги – бычакълар.
- Экиндини кеч къылсанг, чабыб джетер ашхам.
- Татлы сёз – балдан татлы.
- Уллу сёзде уят джокъ.
- Байны къызы баймакъ болса да, юйде къалмаз!
- Терек ауса, отунчу – кёб.
- Арпа, будай – ащды, алтын, кюмюш а – ташды.
- Къарнынг тойгъунчу аша да, белинг талгъынчы ишле.
- Кечеси – аяз, кюню – къыш, джарлы къаргъагъа бир аш тюш!
- Келгинчи, къонакъ уялыр, келгенден сора, къонакъбай уялыр.
- Айтхан – тынч, этген – къыйын.
- Джауумдан сора, кюн кюйдюрюр, ётюрюкден сора, айыб кюйдюрюр.
- Джырчы ёлсе, джыры къалыр.
- Ачыкъ джюрекге джол – ачыкъ.
- Эрни эр этерик да, къара джер этерик да, тиширыуду.
- Эр сокъур болсун, къатын тилсиз болсун.
- Тамбла алтындан бюгюн багъыр ашхы.
- Дууулдаса – бал чибин, къонса – къара чибин.
- Къралынгы – душмандан, башынгы от бла суудан сакъла.
- Юй ишлеген балта эшикде къалыр.
Профиль
|
|
|||