- Ёлюр джаннга, ёкюл джокъ.
- Кёзю сокъурдан – къоркъма, кёлю сокъурдан – къоркъ.
- Ишни аллы бла къууанма да, арты бла къууан.
- Аджал соруб келмез, келсе, къайтыб кетмез.
- От этилмеген джерден тютюн чыкъмайды.
- Намысы болмагъанны, сыйы болмаз.
- Окъумагъан сокъурду, сокъур ташха абыныр!
- Дженгил джетерикме деб, узун джолну къоюб, къысхасын барма.
- Эте билген, этген этеди, эте билмеген, юретген этеди!
- Аллахха ийнаннган кишини, Аллах онгдурур ишин.
- Джиби бир къат джетмей эди да, эки къат тарта эди.
- Окъугъан озар, окъумагъан тозар.
- Къартха ушагъан джаш – акъыллы, джашха ушагъан къарт – тели.
- Билим къая тешер.
- Эркиши – от, тиширыу – суу.
- Арыгъан къош чамчы болур.
- Халкъгъа джарагъан, джарлы къалмаз.
- Чабакъсыз кёлге къармакъ салгъанлыкъгъа, чабакъ тутмазса.
- Хар адамгъа кеси миннген тау кибик.
- Ана кёлю – балада, бала кёлю – талада.
- Сёз садакъдан кючлюдю.
- Келинин тута билмеген, къул этер, къызын тута билмеген, тул этер.
- Аман киши кеси юйюнде – къонакъ.
- Къатын къылыкъсыз, эр тынчлыкъсыз.
- Терек ауса, отунчу – кёб.
- Джарлыны эшигин махтагъан джабар.
- Адам къыйынлыгъын кёлтюрюр, зауукълугъун кёлтюрмез.
- Эски джаугъа ышанма.
- Татлы сёз – балдан татлы.
- Чакъырылмагъан къонакъ – орунсуз.
- Бети бедерден, намыс сакълама.
- Иги сеники эсе да, сюйген кесимикин этеме.
- Туз, гырджын аша, тюзлюк бла джаша.
- Джылыгъа джылан илешир.
- Джыйырма къойну юч джыйырма эбзе кюте эди.
- Аман адам элни бир-бирине джау этер.
- Садакъачыны джаны – къапчыгъында.
- Татлы тилде – сёз ариу, чемер къолда – иш ариу.
- Ана къойну – балагъа джандет.
- Эки ойлашыб, бир сёлешген.
- Келинни – келгинчи, бёркню кийгинчи кёр.
- Къонакъны къачан кетерин сорма, къачан келлигин сор.
- Баш болса, бёрк табылыр.
- Аманнга алтын чыдамаз.
- Къонакъ аман болса, къонакъбай джунчур
- Эки къатын алгъан – эки ташны ортасына башын салгъан.
- Артына баргъанны, къатына барма.
- Кёзню ачылгъаны – иги, ауузну джабылгъаны – иги.
- Акъыллы эркиши атын махтар, акъылсыз эркиши къатынын махтар.
- Тойну къарнашы – харс, джырны къарнашы – эжиу.
Профиль
|
Iwanttobelieve
 Эльбрусоид
Баллов: 0
Регистрация: 18.11.2013
Последний визит: 18.11.2013 18:31:02
|
|
||||||
|
|
|
||||||