Эльбрусоид :: Форум

Къайгъы тюбю – тенгиз.
Таукел тауну аудурур.
Акъыл бла адеб эгизледиле.
Кёлсюзден сёзсюз тууар.
Телиге от эт десенг, юйюнге от салыр.
Термилгенинги табмазса, кюлгенинге тюберсе.
Къошда джокъгъа – юлюш джокъ.
Адам къаллай бир ишленмесе, аллай бир кесин уллу кёреди.
Уллу къашыкъ эрин джыртар.
Мухарны эси – ашарыкъда.
Джогъун бар этген, барын бал этген.
Бойнуму джети джерден кессенг да, мен ол ишни этеллик тюлме.
Биреуге аманлыкъ этиб, кесинге игилик табмазса.
Чомартны къолу берекет.
Ашда – бёрю, ишде – ёлю.
Ашхы – джыяр, аман – джояр.
Билимли ёлмез, билимсиз кёрмез.
Босагъа таш юйге кирмей эди, тыбыр таш эшикге чыкъмай эди.
Ишин билген, аны сыйын чыгъарады.
Махтаннган къыз, тойда джукълар.
Азыгъы аз, алгъа къабар, аты аман, алгъа чабар.
Хансыз джомакъ болмаз.
Чабакъ башындан чирийди.
Эллинг бла джау болсанг да, юйюнг бла джау болма.
Ауругъанны сау билмез, ач къарынны токъ билмез.
Башсыз урчукъ тюзюне айланмаз.
Айыбны суу бла джууалмазса.
Джашда акъыл джокъ, къартда къарыу джокъ.
Ариуну – ауруу кёб.
Эркиши – от, тиширыу – суу.
Бек ашыкъгъан меннге джетсин, дегенди аракъы.
Адам боллукъ, атламындан белгили болур.
Келгинчи, къонакъ уялыр, келгенден сора, къонакъбай уялыр.
Илму – джашауну джолу.
Этек чакъмакълары баш джаргъан, сёлешген сёзлери таш джаргъан.
Нарт сёз – тилни бети.
Алим болгъандан эсе, адам болгъан къыйынды.
Джырчы ёлсе, джыры къалыр.
Халкъны джырын джырласанг, халкъ санга эжиу этер.
Окъугъан озар, окъумагъан тозар.
Къан бла кирген, джан бла чыгъар.
Джолда аягъынга сакъ бол, ушакъда тилинге сакъ бол.
Окъуу – билимни ачхычы, окъуу – дунияны бачхычы.
Джан саулукъ бермей, сан саулукъ бермезсе.
Къазанда болса, чолпугъа чыгъар.
Тура эдим джата, къайдан чыкъды хата?
Ёнгкюч къууана барыр, джылай келир.
Нарт сёз къарт болмаз.
Игиге айтсанг – билир, аманнга айтсанг – кюлюр.
Тилчи бир сагъатха айлыкъ хата этер.

Логин:
Пароль:
	Запомнить меня на этом компьютере

Забыли свой пароль?
Регистрация