- Юре билмеген ит, къонакъ келтирир.
- Джырчы ёлсе, джыры къалыр.
- Зар адамны насыбы болмаз.
- Уясында не кёрсе, учханында аны этер.
- Этим кетсе да, сюегим къалыр.
- Адам къаллай бир ишленмесе, аллай бир кесин уллу кёреди.
- Ойнаб айтсанг да, эслеб айт.
- Аманнга алтын чыдамаз.
- Аман эсирсе, юйюн ояр.
- Келинни – келгинчи, бёркню кийгинчи кёр.
- Ачыкъ джюрекге джол – ачыкъ.
- Бет бетге къараса, бет да джерге къарар.
- Чабакъсыз кёлге къармакъ салгъанлыкъгъа, чабакъ тутмазса.
- Чомартха Тейри да борчлуду.
- Джумушакъ сёз къаты таякъны сындырыр.
- Ашыкъгъанны этеги бутуна чырмалыр.
- Накъырда – кертини келечиси.
- Аманнга да, игиге да оноусуз къатышма.
- Ёзденликни кёбю ётюрюк.
- Рысхы джалгъанды: келген да этер, кетген да этер.
- Адеби болмагъан къыз – тузсуз хант.
- Ач бёрюге мекям джокъ.
- Эски джаугъа ышанма.
- Миллетни бойну – базыкъ, аны бла кюрешген – джазыкъ.
- Тил – кесген бычакъ, сёз – атылгъан окъ.
- Ауругъаннга – кийик саулукъ, джетген къызгъа – чилле джаулукъ.
- Кенгеш болса, уруш болмаз.
- Адамгъа аман кюн соруб келмейди.
- Кесине оноу эте билмеген, халкъына да эте билмез.
- Бек ашыкъгъан меннге джетсин, дегенди аракъы.
- Хаухну атма, ёнгкючню сатма.
- Ашха уста, юйюнде болсун
- Мадар болса, къадар болур.
- Сакъ юйюне сау барыр.
- Адеб этмеген, адеб кёрмез.
- Алма терегинден кери кетмез.
- Келлик заман – къартлыкъ келтирир, кетген заман – джашлыкъ ёлтюрюр.
- Кёкдеги болмаса, джердегин кёрмейди.
- Джашда акъыл джокъ, къартда къарыу джокъ.
- Айранны сюйген, ийнек тутар.
- Атлыны кёрсе, джаяуну буту талыр.
- Терслик кетер, тюзлюк джетер.
- Ёлген эшек бёрюден къоркъмайды.
- Эринчекге кюн узун.
- Джаным-тиним – окъуу, билим.
- Накъырданы арты керти болур.
- Кесинге джетмегенни, кёб сёлешме.
- Айтылгъан сёз ызына къайтмаз.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Аманнга игилик этсенг, юйюнге сау бармазса.
Профиль
|
|
|||