- Эл ауузу – элек, анга ийнаннган – халек.
- Ёксюзню тилеги къабыл болур.
- Сыфатында болмагъаны, суратында болмаз.
- Эрни эр этерик да, къара джер этерик да, тиширыуду.
- Акъылсызны джууукъгъа алма, акъыллыны кенгнге салма.
- Игилик игилик бла сингдирилиучю затды.
- Билимли ёлмез, билимсиз кёрмез.
- Къазанны башы ачыкъ болса, итге уят керекди.
- Джаным-тиним – окъуу, билим.
- Сакъалы текени да бар, мыйыгъы киштикни да бар.
- Ариу джол аджал келтирмез.
- Джашда акъыл джокъ, къартда къарыу джокъ.
- Аш иеси бла татлыды.
- Акъыллы эркиши атын махтар, акъылсыз эркиши къатынын махтар.
- Ханы къызы буюгъа-буюгъа киштик болду.
- Орундукъ тюбюнде атылсам да, орта джиликме, де да айлан.
- Айырылгъанланы айю ашар, бёлюннгенлени бёрю ашар.
- Атлыны ашхысы, ат тизгининден билинир
- Джыйырма къойну юч джыйырма эбзе кюте эди.
- Рысхы джалгъанды: келген да этер, кетген да этер.
- Тилчи тилден къаныкъмаз.
- Аман адамны тепсинге олтуртсанг, къызынгы тилер.
- Иесиз малны бёрю ашар.
- Къарт айтханны этмеген, къартаймаз.
- Мени джылытмагъан кюн, меннге тиймесин!
- Кёбге таш атма.
- Терслик кетер, тюзлюк джетер.
- Харам къарнашдан, халал тенг ашхы.
- Бермеген къол, алмайды.
- Тели турса – той бузар.
- Бал чибинни ургъаны – ачы, балы – татлы.
- Ана къойну – балагъа джандет.
- Тойгъа барсанг, тоюб бар, эски тонунгу къоюб бар.
- Адам къыйынлыгъын кёлтюрюр, зауукълугъун кёлтюрмез.
- Тил джюрекге джол ишлейди.
- Бети – къучакълар, джюреги – бычакълар.
- Джырчы джырчыгъа – къарнаш.
- Айныгъанлы алты кюн, тогъайгъанлы тогъуз кюн.
- Телиге акъыл салгъандан эсе, ёлгеннге джан салырса.
- Иги – алгъыш этер, аман – къаргъыш этер.
- Хар ишни да аллы къыйынды.
- Ёлген ийнек сютлю болур.
- Бетинги сатма, малынгы сат.
- Джарлыны тону джаз битер.
- Акъдан къара болмаз.
- Ханнга да келеди хариблик.
- Эли джокъну – кёлю джокъ.
- Уллу къазанда бишген эт, чий къалмаз.
- Къралынгы – душмандан, башынгы от бла суудан сакъла.
- Къыз тиширыу кеси юйюнде да къонакъды.
Профиль
|
|
|
|||