- Башсыз урчукъ тюзюне айланмаз.
- Керек ташны ауурлугъу джокъ.
- Ётген ёмюр – акъгъан суу.
- Бичгенде ашыкъма, тикгенде ашыкъ.
- Кеси юйюмде мен да ханма.
- Эки ойлашыб, бир сёлешген.
- Эл элде бирер малынг болгъандан эсе, бирер тенгинг болсун.
- Джумушакъ терекни къурт ашар.
- Ашхылыкъ джерде джатмайды, аманлыкъ суугъа батмайды.
- Кийимни бичсенг, кенг бич, тар этген къыйын тюлдю.
- Накъырда – кертини келечиси.
- Айран тёгюлсе, джугъусу къалыр.
- Окъуусуз билим – джокъ, билимсиз кюнюнг – джокъ.
- Ышармагъан – кюлмез, кюлмеген – къууанчны билмез.
- Айтылгъан буйрукъ, сёгюлмез
- Окъугъан – асыу, окъумагъан – джарсыу.
- Ана кёлю – балада, бала кёлю – талада.
- Къоркъакъны кёзю экили кёрюр.
- Ёгюзню мюйюзюнден тутадыла, адамны сёзюнден тутадыла.
- Сагъышы джокъ – джукъучу, акъылы джокъ – къаугъачы.
- Къонагъы джокъну – шоху джокъ.
- Адебсиз адам – джюгенсиз ат.
- Къазанны башы ачыкъ болса, итге уят керекди.
- Ханы къызы буюгъа-буюгъа киштик болду.
- Зарда марда джокъ.
- Аллахдан тилесенг, кёб тиле.
- Тил джюрекге джол ишлейди.
- Ата джурт – алтын бешик.
- Окъугъан озар, окъумагъан тозар.
- Бал – татлы, балдан да бала – татлы.
- Аллахха ийнаннган кишини, Аллах онгдурур ишин.
- Босагъагъа джууукъ орун болса, ашыгъыб тёрге озма.
- Ата Джуртун танымагъан, атасын да танымаз.
- Чабакъ башындан чирийди.
- Ана къолу ачытмаз.
- Биреуню тёрюнден, кесинги эшик артынг игиди.
- Тил – кесген бычакъ, сёз – атылгъан окъ.
- Ёпкелегенни ашы татлы болады.
- Юйюнгден чыкъдынг – кюнюнгден чыкъдынг.
- Айтылгъан сёз ызына къайтмаз.
- Ишни ахырын ойламай, аллын башлама.
- Бозаны арты дауур болур.
- Бек ашыкъгъан меннге джетсин, дегенди аракъы.
- Битмегеннге сакъал – танг.
- Кёбге таш атма.
- Баланы адам этген анады.
- Алма терегинден кери кетмез.
- Джыланны къуйругъундан басарынг келсе, аны башы болгъанын унутма.
- Кёз – сюйген джерде, къол – ауругъан джерде.
- Тенги кёбню джау алмаз, акъылы кёбню дау алмаз.
Профиль
|
|
|||