- Рысхы джалгъанды: келген да этер, кетген да этер.
- Атадан ёксюз – бир ёксюз, анадан ёксюз – эки ёксюз.
- Кёлсюзден сёзсюз тууар.
- Тилде сюек болмаса да, сюек сындырыр.
- Окъугъанны бети джарыкъ.
- Ёзденликни кёбю ётюрюк.
- Аш берме да, къаш бер.
- Къайтырыкъ эшигинги, къаты уруб чыкъма.
- Эл бла кёргенинг эрелей.
- Босагъа таш юйге кирмей эди, тыбыр таш эшикге чыкъмай эди.
- Чабакъсыз кёлге къармакъ салгъанлыкъгъа, чабакъ тутмазса.
- Билими азны – ауузунда кирит.
- Къая джолда джортма, ачыкъ сёзден къоркъма.
- Кёб джат да, бек чаб.
- Сагъышы джокъ – джукъучу, акъылы джокъ – къаугъачы.
- Тай асырагъан, атха минер.
- Мал тутхан – май джалар.
- Хатерли къул болур.
- Иги адамны бир сёзю эки болмаз.
- Адам туугъан джеринде, ит тойгъан джеринде.
- Уллу сёзде уят джокъ.
- Байны оноуу, джарлыгъа джарамаз.
- Джюрекге ариу – кёзге да ариу.
- Кюл тюбюндеги от кёрюнмейди.
- Эл элде бирер малынг болгъандан эсе, бирер тенгинг болсун.
- Гыдай эчки суугъа къараб, мюйюзле кёрмесе, джашма алкъын, дегенди.
- Итли къонакъ джарашмаз.
- Телиге от эт десенг, юйюнге от салыр.
- Чёбню кёлтюрсенг, тюбюнден сёз чыгъар.
- Къанны къан бла джуума, аманны аман бла къуума.
- Баланы адам этген анады.
- Къыйынлы джети элге оноу этер.
- Ашда – бёрю, ишде – ёлю.
- Джаным-тиним – окъуу, билим.
- Игини сыйлагъан адетди.
- Ат басханны джер билед.
- Байлыкъ тауусулур, билим тауусулмаз.
- Эртде тургъан бла эртде юйленнген сокъуранмаз.
- Кюн кёрмеген, кюн кёрсе, кюндюз чыракъ джандырыр.
- Чабакъгъа акъыл, табагъа тюшсе келеди.
- Бозанг болмагъан джерге, къалагъынгы сукъма.
- Татлы сёз – балдан татлы.
- Юйлю уругъа ит чабмаз.
- Кёзюнде тереги болгъан, чёбю болгъаннга кюле эди.
- Чомартны къолу берекет.
- Къуллукъчума, деб махтанма, къуллукъ – хаух джамчыды!
- Суу да къайтады чыкъгъан джерине.
- Ата джурт – алтын бешик.
- Биреуге аманлыкъ этиб, кесинге игилик табмазса.
- Аманнга да, игиге да оноусуз къатышма.
Профиль
|
|
|
|||