- Телини эшигин, махтау джабар.
- Эки къатын алгъан – эки ташны ортасына башын салгъан.
- Зар адам ашынгы ашар, кесинги сатар.
- Болджал ишни бёрю ашар.
- Мураты болгъанны джюрек тебюую башхады.
- Кимни – тили, тиши онглу, кимни – къолу, иши онглу.
- Атадан ёксюз – бир ёксюз, анадан ёксюз – эки ёксюз.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Ёлюк кебинсиз къалмаз.
- Тёрени джагъы джокъ.
- Кюл тюбюндеги от кёрюнмейди.
- Илму – джашауну джолу.
- Тилде сюек болмаса да, сюек сындырыр.
- Рысхы – насыбха къор.
- Битмегеннге сакъал – танг.
- Билим ат болуб да чабар, къуш болуб да учар.
- Узун джолну барсанг, бюгюн келирсе, къысха джолну барсанг, тамбла келирсе.
- Тёгюлген тюгел джыйылмайды.
- Иги сёз – джаннга азыкъ, аман сёз башха – къазыкъ.
- Тюзлюк шохлукъну бегитир.
- «Ма», - дегенни билмесенг, «бер», - дегенни билмезсе.
- Адамны сабийин сюйген джюреги, бычакъча, джитиди.
- Эски джаугъа ышанма.
- Адебни адебсизден юрен.
- Сёз – кюмюш, джыр – алтын.
- Туз, гырджын аша, тюзлюк бла джаша.
- Бозаны арты дауур болур.
- Биреуню эскиси биреуге джангы болмайды.
- Чомартны къолу берекет.
- Ишлерге уял да, ашаргъа табма.
- Кесине гебен этелмеген, биреуге черен эте эди.
- Суугъа – таянма, джаугъа – ийнанма.
- Ачыкъ джюрекге джол – ачыкъ.
- Бёрю да ач къалмасын, эчки да ашалмасын.
- Акъыллы башны – тили къысха.
- Къумурсхала джыйылсала, пилни да джыгъадыла.
- Джумушакъ терекни къурт ашар.
- Акъыллы – эл иеси, тели – эл баласы.
- Тамбла алтындан бюгюн багъыр ашхы.
- Билимли ёлмез, билимсиз кёрмез.
- Ашына кёре табагъы, балына кёре къалагъы.
- Мал ёлсе, сюек къалыр, адам ёлсе, иши къалыр.
- Баш болса, бёрк табылыр.
- Эл тойса, тоймагъан, эл къойса, къоймагъан.
- Башланнган иш битер, къымылдагъан тиш тюшер.
- Чарсда алчыны эл кёреди.
- Азыкълы ат арымаз, къатыны аман джарымаз.
- Келлик заман – къартлыкъ келтирир, кетген заман – джашлыкъ ёлтюрюр.
- Гугурук къычырмаса да, тангны атары къалмаз.
- Ашыкъгъан cуу, тенгизге джетмез.
Профиль
|
|
|||