- Шекер бла туз – бир болмаз, ушамагъан – юй болмаз.
- Аманнга да, игиге да оноусуз къатышма.
- Къайгъы тюбю – тенгиз.
- Бичгенде ашыкъма, тикгенде ашыкъ.
- Тил бла келеди джыр да.
- Ачылгъан эт джабылыр, кёрген кёз унутмаз.
- Акъдан къара болмаз.
- Ёгюзню мюйюзюнден тутадыла, адамны сёзюнден тутадыла.
- Тойгъа барсанг, тоюб бар, эски тонунгу къоюб бар.
- Эм ашхы къайын ана мамукъ бла башынгы тешер.
- Кеси юйюмде мен да ханма.
- Адамны бетине къарама, адетине къара.
- Чоюнну башы ачыкъ болса, итге уят керекди.
- Тёзгеннге, джабылгъан эшик ачылыр.
- Джумушакъ терекни къурт ашар.
- Ашхы адам – халкъ байлыгъы, ашхы джер – джашау байлыгъы.
- Аман къатын сабий табса, бий болур…
- Ётюрюкню къуйругъу – бир тутум.
- Ашатыргъа иш – ашхы, ишлетирге аш – ашхы.
- Адеб этмеген, адеб кёрмез.
- Оюмсуз атлагъан, аджалсыз ёлюр.
- Чалманны аллы къалай башланса, арты да алай барады.
- Абынмазлыкъ аякъ джокъ, джангылмазлыкъ джаякъ джокъ.
- Босагъагъа джууукъ орун болса, ашыгъыб тёрге озма.
- Экеу тутушса, биреу джыгъылыр.
- Къонагъынгы артмагъын алма да, алгъышын ал.
- Ауругъан – джашаудан умутчу.
- Чомарт къолда мал къалмаз.
- Эшекни не къадар тюйсенг да, ат болмаз.
- Къалгъан ишге къар джауар.
- Чомарт къонакъ юй иесин сыйлар.
- Джылыгъа джылан илешир.
- Къонакъ кёб келюучю юйню, къазаны отдан тюшмез.
- Сууда джау джокъ, кёб сёзде магъана джокъ.
- Чомарт джарлы болмаз.
- Джеринден айырылгъан – джети джылар, джуртундан айырылгъан – ёлгюнчю джылар.
- Босагъа таш юйге кирмей эди, тыбыр таш эшикге чыкъмай эди.
- Юй кюйдю да, кюйюз чыкъды, ортасындан тюйюш чыкъды.
- Тилсиз миллет джокъ болур.
- Бёрю да ач къалмасын, эчки да ашалмасын.
- Тилде сюек болмаса да, сюек сындырыр.
- Акъыл неден да кючлюдю.
- Тешигини къатында, чычхан да батыр болур.
- Ана – юйню кюн джарыгъы.
- Къарыусузгъа кюлме, онгсузгъа тийме.
- Элде адам къалмаса, ит тахтагъа минер.
- Къатыны харакетли болса, эри къымсыз болур.
- От этилмеген джерден тютюн чыкъмайды.
- Къызгъанчдан ычхыныр, мухардан ычхынмаз.
- Сёз сёзню айтдырыр.
Профиль
|
|
|||